Qazaqstan 12 jyldyq bilimge qashan kóshedi
QR Bilim jáne ǵylym mınıstri Ashat Aımaǵambetov mektep oqýshylary úshin 12 jyldyq baǵdarlamany engizý barysy týraly aıtty.
«Ózderińiz bilesizder, jańartylǵan baǵdarlamalar 2015 jyly qabyldandy, ıaǵnı osy sharalar júrgizilgen kezde 1-den 11 synyp aralyǵynda 11 jyldyq mekteptiń baǵdarlamalary bekitildi. Sáıkesinshe, qazir jańartylǵan baǵdarlamalar engizilýde. Barlyq synyptardyń 95 paıyzy osyǵan aýysyp úlgerdi. Aldaǵy jyly 11 synyptyń aýysýy josparlanǵan», - dedi mınıstr Parlament Májilisinde ótken Úkimet saǵatynda.
«Qazirgi kezde jańa baǵdarlamaǵa tolyqtaı kóshý mańyzdy, eger biz aldyn ala daıyndyqsyz 12- synypty engizemiz dep aıtsaq, onda úlken problemalarǵa tap bolamyz», - dedi A. Aımaǵambetov.
Bul turǵyda 12- synypty engizý mektep ınfraqurylymyna, pedagog daıarlyǵyna, oqýlyq shyǵarý baǵytyna tıisti júktemeni týdyrady.
«1-den 11 synyp aralyǵynda tolyqtaı jańa baǵdarlamaǵa, baǵalaýdyń jańa júıesine kóshkennen soń, 12 jyldyq bilim baǵdarlamasyn bastaýymyz kerek. Bul turǵyda oǵan kóshýdiń birneshe nusqasy bar. Jalpy, buǵan kóshý sharalary birqalypty júrgiziledi. Osy oraıda, 2021 jyldy belgilep otyrmyz», - dedi mınıstr.
You Might Also Like
-
Adam balasyna berilgen baǵa jetpes qundylyqtardyń biri-ýaqyt.
