InfoHub Logo

Qaraǵandy qalasy
№ 3 gımnazıanyń
qazaq tili men qazaq ádebıeti muǵalimi
Sabıtova Aıjan Tleýbekovna

«Mekteptegi tájirıbe»  kezeńiniń alty aptalyǵynda mekteptiń pedagogıkalyq qoǵamdastyǵy jumysyn júzege asyrý joldary taqyrypty taldaý maqsatynda mektep basshysymen taldaýdan bastaldy. A esebinde josparlaǵan «Oqytý men oqýda jańa tásilderdi tıimdi paıdalanýdy jetildirý» taqyrybyn usynyp, mektep muǵalimderi úshin qajettilik deńgeıin zerdeledik. Mektep basshysy oqý men oqytýda paıdalanylatyn ádister men tásilder oqýshylardyń oqý prosesine tıimdi tartylýymen pán sapasynyń joǵarylaýyna oń áserin tıgizetinimen bólisti. Taqyryp tańdalǵannan keıin mektep ádiskeri, İİİ deńgeıli orys tili muǵalimi J.B.N-men birlesip qoǵamdastyq jumysynyń josparyn mektepte qurylǵan «Zerde» qoǵamdastyǵynyń jumys josparyna engizdim.

Taqyryp maqsaty: Oqytý men oqýda jańa tásilderdi tıimdi paıdalanýdy jetildirýge yqpal etý.

Mindeti: Oqytý men oqýda jańa tásilderdi úırenýge beıimdeý, pán sapasyn arttyrýda tıimdiligin eskerý. Pedagogıkalyq qoǵamdastyqtyń ótken jylǵy quramyna ózgeris engizip deńgeılik kýrs bitirgen 6 muǵalim, 6 birlestik jetekshisi, 2 psıholog jáne 1 tálim alýshydan qurdyq. Jumys barysynda saýalnama alyp, qorytyndysyn shyǵarǵanda pedagogıkalyq qoǵamdastyq taqyrybynyń durys tańdalǵanyn aıqyndadym. Qazirgi  jahandanǵan álemde bolyp jatqan jedel ózgerister men jańalyqtardan habardar bolyp, alǵan bilimin ómirde qajettiligine jarata alatyndaı, básekege qabiletti tulǵa tárbıeleý qazirgi zamanda pedagog qyzmetkerlerdiń basty mindeti. Sondyqtanda men «Mekteptegi tájirıbe» kezeńinde  qurǵan kásibı tobymmen  deńgeılik kýrstyń teorıalyq bilimin bólise otyryp, óz áriptesterimmen birlesip, yntymaqtastyqta jumys atqaryp, mekteptegi áriptesterimniń oqytýy men oqý ádis-tásilderine qoldaý kórsetip, kómek berdim. Jospar boıynsha jumystarymdy júıeli túrde oryndadym.Osy rette saýalnamanyń qorytyndysy boıynsha ótkizilgen semınarda áriptesterime oqý men oqytýdaǵy ádister men tásilderdi jańashalandyrý jáne ózderiniń de zaman talabyna saı ózgerý qajettiligin usyndym. Pedagogıkalyq qoǵamdastyq josparyn iske asyrý maqsatynda alǵashqy koýchıng-sabaqty  «Maqsat qoıa bilý-tıimdi tásilderge qol jetkizý kepili»dep alyp áriptesterimmen Baǵdarlama aıasynda alǵan málimetterimmen bólistim. Oqý jáne oqytýdan nátıje alý úshin birinshi maqsatty durys qoıý qajettiligin túsindirdim. Koýchıng-sabaqqa áriptesterim belsendi túrde qatysyp, tapsyrmalardy joǵary dárejede oryndady. Alaıda, jospardyń rettiligi boıynsha koýchıng-sabaqtan alǵan maqsatty qoıý úrdisin baqylaǵanymda, iske tolyq aspaı jatqandyǵyn baıqadym. Biraq, muǵalimder meniń koýchıng-sabaqta paıdalanǵan qaǵazdy tórt búktep buryshyn jyrtqyzǵan tásildi jáne «Tangram» ádisin óz sabaqtarynda paıdalanyp jatqandaryn kórdim. Iaǵnı, koýchıng-sabaqtan ózderine qajettini alyp óz tájirıbelerinde iske asyryp jatqandary jańashyldyqqa qadam basqandaryn kórsetedi. Basqarý túri sizge kedergi bolsa, onda ol tıimdi emes, sondyqtan ony ózgertý qajet. Osy qaǵıdaǵa súıene otyryp jáne áriptesterimniń suranysyn eskerip «Fýnksıonaldy saýattylyqty arttyrýda tapsyrmalar daıyndaý joly» taqyrybynda qajettiligine oraı joǵary deńgeıdi ótti. Áriptesterim qajetti málimetterdi qaıdan alý joldaryn úırenip, fýnksıonaldy saýattylyqqa baılanysty jasalǵan tapsyrmalardy ınterbelsendi taqtadan kóre otyryp oryndady. Óz kezegimde tapsyrmalardy daıyndaý barysynda jeti modýldi oqýshylardyń qajettiligine oraı jáne jas  jas erekshelikterine keltire otyryp daıyndaý qajettiligin aıtyp óttim. Semınardan alǵan málimetterin áriptesterim kúndelikti sabaq josparlaryna engizip, oqý men oqytýdaǵy ózgeristerdi zaman talabyna saı jasap, iske asyryp jatqanyn baqyladym.Semınarǵa 35 muǵalim qatysty.

Pedagogıkalyq qoǵamdastyq jumys josparynyń túıindi satysyndaǵy «Oqytý men oqýda jańa tásilderdi tıimdi paıdalanýdy jetildirý»  taqyrybynda qoǵamdastyq múshelerimen ótkizilgen semınarda sabaq  barysynda qoldanylatyn jańa ádister men tásilderdi keńinen talqyladyq. «Mýza» ádis birlestiginiń jetekshisi M.M.K. óz kezeginde dene shynyqtyrý muǵalimderine ádister paıdalaný asa kele qoımaıtyndyǵyn aıtyp ótti. Alaıda ádisterdi talqylaı kele olardy oqýshynyń qajettiligine oraı ózgertýge bolatyndyǵyn túsindi. Sonymen birge İİ, İİİ deńgeı muǵalimderimen Baǵdarlamanyń ıdeıasyn taratýdyń tıimdi joldaryn talqylap, qoryta kele  birlestik jetekshilerine pán aptalyqtary aldynda keńes alý úshin óz birlestigindegi muǵalimderdi jınap kezdesýler uıymdastyrýdy tapsyrdym. Ádis birlestik jetekshileri bul usynystyń oryndy ekenin jáne de ashyq sabaqtar ótkizýde muǵalimderdiń oqytý men oqýda jańashyldyqqa umtylatyndyǵyn, ózgeris engizýdiń qolaıly ekenin bólisti. Qoǵamdastyq jumysynyń monıtorıńisin shyǵarý barysynda áriptesterimniń óz tájirıbelerine aıtýly ózgeristerdi qabyldaǵanyn baıqadym. Sonymen birge  áli de jumysty jetildirý qajettiligin uıǵardym.

Anglıanyń bilim berý jáne daǵdylar departamenti 2004 jylǵy esebinde «Bilim berý reformasyn júzege asyrýdyń kelesi kezeńinde júıege joǵary standarttardy jáne teńdikti engizýdiń jańa ádisteri qajet bolady, ol jekelegen oqýshylardyń qajettilikterine sáıkes kelip, mektepterge mektep deigeıinde sheshimderdi derbes qabyldaýǵa múmkindik beredi. Muǵalimder men mektepterge yntymaqtastyq jasaý qajet jáne osy úshin kásibı qoǵamdastyqtar kúshti uıymdastyrýshylyq nysan bolyp tabylady. Oqytýǵa baǵyttalǵan mekteparalyq kásibı qoǵamdastyqtar bilimge negizdelgen jáne oqytý tájirıbesine engizilgen naqty ózgeristerdiń negizi bolyp tabylady» degen tujyrym jasaǵan. Bul tujyrym basqa mektep muǵalimderimen pedagogıkalyq qoǵamdastyq aıasyn keńeıtýdiń mańyzdylyǵyn ashyp kórsetip tur. Osy oraıda mekteptegi «Zerde» pedagogıkalyq qoǵamdastyǵy qaladaǵy 2 mekteppen ádis almasý maqsatynda jumys jasaıdy. Bıylǵy oqý jylynda basqa mektepterden áriptesterdi tartý arqyly pedagogıkalyq qoǵamdastyqty keńeıtý boıynsha  basty usynysym  qoǵamdastyqta basqa mekteptermen birlesip jumys isteý arqyly engizilgen ózgeristerdi saqtap qalý, ıaǵnı muǵalimderdiń eńbegin baǵalap, yntalandyrý.Tájirıbe almasýda muǵalimder men oqýshylardyń qajettiligine jumys jasaý, basqa mekteptegi áriptesterdi shaqyryp qoljetimdi, qazir ǵana qoldanyp qoımaı, bolashaqta da paıdaǵa jaraıtyn, nátıje kórsete alatyn ózgeris engizýge arnalǵan keńes ótkizý. Osy rette muǵalimderdiń jańa tehnologıaǵa degen biliktiligin, oqýshylardyń oqýǵa degen qyzyǵýshylyǵyn arttyrý, mekteptiń ózin-ózi baǵalaý úderisine kómek kórsetý mazmunyndaǵy semınar, dóńgelek ústel, koýchıng jáne trenıńter ótkizýdi uıymdastyrý qajet. Sonymen birge jelilik qoǵamdastyqtaǵy mektepterge  baryp sabaq berip, tájirıbe shyńdaý. Josparlanǵan jumystardy iske asyrý barysynda  áriptestermen yntymaqtastyqta qyzmet atqarý.

Álem ózgergendikten jańarý zaman talaby.Sondyqtan, men de oqýshylarym da ózgerýi qajet. Olaı bolsa, qazirgi kezde eń basty máseleniń biri – oqytýdyń jańa tásilderin qoldana otyryp, bilimdi, rýhanı baı, salaýatty, jan-jaqty damyǵan, básekege qabiletti tulǵa daıarlaý.

 

Paıdalanylǵan ádebıetter

1. «Pedagogıkalyq qoǵamdastyqtaǵy muǵalim kóshbasshylyǵy» Qazaqstan Respýblıkasy pedagog qyzmetkerleriniń biliktiligin arttyrý baǵdarlamasy, 7-b.

2. «Pedagogıkalyq qoǵamdastyqtaǵy muǵalim kóshbasshylyǵy» Qazaqstan Respýblıkasy pedagog qyzmetkerleriniń biliktiligin arttyrý baǵdarlamasy, 88-b.

---