Qazaqstanda bıylǵy oqý jylyn bastaýdyń úsh nusqasy jarıalandy
Bilim jáne ǵylym mınıstri Ashat Aımaǵambetov elimizde bıylǵy oqý jylyna qatysty úsh nusqany jarıalady.
«Bilim jáne ǵylym mınıstrliginde eldegi epıdemıologıalyq jaǵdaıdy eskere otyryp, ázirlegen úsh negizgi nusqasy bar», — dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.
Mınıstrdiń aıtýynsha birinshi nusqa — qashyqtan oqytý.
«Bul nusqa tańdalǵan jaǵdaıda alystaǵy eldimekenderdi eseptemegende qalǵanynyń bári qashyqtan oqytylady», — dedi ol.
Ekinshi nusqa — ishteı jáne qashyqtan oqytý.
«Bul jaǵdaıda shekteý bolýy kerek: mektepte mindetti túrde termometrıa, sanıtaızerler bolýy tıis. Áleýmettik qashyqtyq saqtalyp, sabaqtar qysqartylýy kerek. Iaǵnı kabınettik júıeler alynýy tıis», — dedi mınıstr.
Ashat Aımaǵambetov úshinshi nusqa — shtattyq rejımde qatań sanıtarlyq shekteý sharalary saqtala sabaqty jalǵastyrý ekenin jetkizdi.
«Iaǵnı balalar ishteı oqıdy da, qońyraý, synyptardyń tolymdylyǵy, aýysym, kabınettik júıelerdi alýdan bastap ashanaǵa barýǵa deıingi shekteý sharalary kúshinde bolady», — dedi mınıstr.
You Might Also Like
-
Osy jyldyń qyrkúıeginde balalar onlaın oqı ma, álde mektepke bara ma? Bul suraqqa Bilim jáne ǵylym mınıstri Ashat Aımaǵambetov jaýap berdi.
