InfoHub Logo

Bilim jáne ǵylym mınıstri Ashat Aımaǵambetov mektep formasyn oqýshylarǵa mindettemeý týraly sheshimge ne sebep bolǵanyn túsindirdi, mektep formasynyń mindettelmeýi jaıly.

«Eger biz dál qazirgi ýaqytta bul sheshimdi qabyldasaq, ata-analardyń ekonomıkalyq jaǵdaıyn da eskerip otyrmyz. Qazir ata-analardyń birazy ekonomıkalyq qıyndyqty ótkerip jatqanyn aıtqandyqtan, mektep formasy qaltasyna salmaq bolyp túsetindikten, biz dál osy bıylǵy oqý jylynda osyndaı sheshimdi qabyldadyq. Ýákiletti organ retinde bıylǵy oqý jylynda mektep formasyn kıý mindettelmeıtinin jarıa etsek, ıaǵnı mınıstr retinde osy jaýapkershilikti óz moınyma alar bolsam, onda bıylǵy oqý jyly — dástúrli bolsa da, qashyqtan bolsa da bul sheshim kúshinde bolady», — dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Mınıstrdiń aıtýyna qaraǵanda eger bıylǵy oqý jylynyń basynda nemese ortasynda mektep oqýshylary dástúrli oqý sıpatyna oralsa, muǵalimder báribir de balalardan mektep formasyn kıýdi mindetteı almaıtynyn jetkizdi.

«Bul sheshim búkil oqý jyly boıy kúshinde bolady. Al eger oqýshylardyń keıbirinde mektep formasy bolsa, onda kıýine marhabat», — dedi ol.

Eske sala ketsek Ashat Aımaǵambetov Qazaqstanda aldaǵy oqý jylynda oqýshylarǵa mektep formasyn kıý mindettelmeıtinin habarlaǵan edi.

---