Qazaqstanda gazetke jazylý baǵasy eki esege deıin arzandamaq
Elimizde jańadan qurylǵan «Ekspress pochta» JSHS-i merzimdi basylymdarǵa jazylý komısıasynyń qunyn eki esege deıin tómendetpekshi. Kompanıa ókilderi mundaı arzan baǵany jańa bıznes-modelimen jáne pochta salasynyń bilikti mamandarynan quralǵan komandanyń jumysymen baılanystyryp otyr.
Gazetke jazylýdaǵy tómengi komısıa tek memlekettik qana emes, komersıalyq basylymdar úshin de qoljetimdi. Al, kompanıa ókilderi bolsa oqyrmanǵa qyzmet kórsetýdiń sapasyn jańa deńgeıge shyǵaramyz dep ýáde berip otyr. Sondyqtan «klıentter bizge emes, biz klıentterge ózimiz baramyz» deıdi olar.
Sondaı-aq, jazylý komısıasy qunynyń tómen bolýy áleýmettik toptaǵy turǵyndarǵa degen qoldaýdy bildiredi.
«Osylaısha biz zeınetkerlerdi, búdjettik salada jumys istep júrgen qyzmetkerlerdi, tipti shaǵyn bıznes ókilderin de qoldaýǵa nıettenip otrmyz. Bizdiń usynyp otyrǵan baǵamyz qazirdiń ózinde áleýmettik toptaǵy azamattardyń qyzyǵýshylyǵyn týdyryp otyr», - deıdi kompanıadaǵylar. Olar basylymdy baspahanadan shyqqan sátte oqyrmanǵa jóneltetinin aıtýda.
Qazirgi tańda «Ekspress pochta» JSHS respýblıkalyq 50-ge jýyq basylymmen kelesimge otyryp, jumys isteýge kirisip ketken. Ol basylymdardyń qatarynda «Kazahstanskaıa pravda», «Egemen Qazaqstan», «Lıter», «Aıqyn», «Jas Alash» syndy kópke tanymal gazetter de bar. Ázirge kompanıa elimizdiń iri úshi qalasy — Astana, Almaty jáne Shymkentte jumys istemek. Al, jaqyn ýaqytta elimizdegi barlyq oblys ortalyqtarynda «Ekspress pochtanyń» fılıaldary ashylady.
You Might Also Like
-
Ǵalymdardyń aıtýynsha: «Ózińe degen senimdilik, kúsh-qýattyń artýy, kúızelis, baqyt t.b» bul tek bizdiń mıymyzda oryn alǵan hımıalyq prosester bolsa kerek. Olarǵa «baqyt gormony&raq...
-
Keshki túgendeýden keıin rota komandıri: «Erteń, ıaǵnı jeksenbi kúni teatrǵa baramyz», –deı kelip rota starshınasyna teatrǵa baratyn ár jaýyngerden bıletke qansha aqsha alatynyn ...
