Qazaqstanda jas ǵalymdar sany 60 paıyzǵa artty
Qazaqstanda sońǵy 5 jyl ishinde jas ǵalymdar sany 60 paıyzǵa artty. Bul týraly búgin Respýblıkalyq jastar forýmynda Elbasy Nursultan Nazarbaev aıtty.
«Bizde talantty jastar bar, nıetteri de, oılary da bar. Men Qazaqstannyń barlyq jas ǵalymdaryna zor tabystar tileımin. Sizder bizdiń qýatty qoldaýymyzdy sezinesizder. Biz bilim týraly arnaıy zań qabyldadyq. Bul sizderdiń dálizderde arly-berli júgirmeýlerińiz úshin jasaldy. Eger naqty jobalaryńyz, startaptaryńyz bolsa, onda komısıa onyń qajettiligin nemese qajetsizdigin anyqtap, qarjylandyrýǵa qoıady», - dedi Nazarbaev.
Sonymen qatar Qazaqstan Prezıdenti elimizde jas ǵalymdar sanynyń artyp kele jatqandyǵyn basa aıtty.
«Menińshe, olardyń arasynda álemge Qazaqstannyń atyn tanytatyn ǵalymdar da bar», - dedi Elbasy.
You Might Also Like
-
Búgin Astanada Respýblıkalyq jastar forýmynyń bilim berý salasyna arnalǵan pikirtalas alańynda Bilim jáne ǵylym vıse-mınıstri Elmıra Sýxanberdıeva rektorlar saılaýy týraly aıtyp berdi.
-
Qyzylorda oblysy, Jańaqorǵan aýdany Besaryq aýyly, Besaryq balalar óner mektebi 9-synyp oqýshysy: Meıirbek Kórkem Jalǵasbekqyzy Jeteshisi: Bımýrzaeva Patıma Nurbolatqyzy
