InfoHub Logo

Qazaqstandyq oqýshylardan quralǵan eki komanda Londonda robot tehnıkadan ótken «VEX Robotics Competition 2019» jarysyna qatysyp, úzdikter qatarynan kórindi.

Ústimizdegi jyldyń 9 aqpanynda Ulybrıtanıa astanasynda ótken halyqaralyq jarysqa barlyǵy 32 komanda qatysty. Onyń 24-i Ulybrıtanıadan, 6-ýy Túrkıadan jáne 2-ýi Qazaqstannan. Bizdiń elden qatysqan eki komandanyń biri uldardan quralǵan, onyń quramynda Baqtıar Temirov pen Jánibek Manabekov bolsa, ekinshisi qyzdar komandasy , onda Dılnaz Qamalova, Lúbov Dýdchenko jáne Malıka Bóribaeva esimdi jerlesterimiz boldy.

Uldar komandasy juptyq jarysta 2 oryn ıelense, al jeke jarysta (Skills challenge) jigitter 1 oryndy qanjyǵalady. Qyzdar da komandalyq esepte 2 orynǵa turaqtap, odan bólek saıys tóreshileri qyzdardyń jumysyn joǵary baǵalap, úzdik dızaın (Judges Award) erekshe syılyǵyn tabys etti.

Osylaısha, qazaqstandyq oqýshylar komandasy Londonda ótken robototehnıka boıynsha ótken jarystan (Skills Challenge and Judges Award) eki 1 oryn jáne eki 2 oryn júldesimen oraldy.

QazAqparat

---