InfoHub Logo

Qazybek beri el bıi bolǵan kezde bir balaǵa daýlasyp eki áıel Qazybekke júginedi.

Áıelderdiń biri:

— Mynaý balamdy men esin bilmeıtin jas kúninde joǵalttym. Sony mynaý áıel taýyp aldy ma, álde urlap aldy ma ony bilmeımin. Áıteýir asyrap alypty. Búgin tanyp surasam, «joq óz balam» dep bermeıdi, — deıdi.

Ekinshi áıel:

— Bala ózimdiki. Ózim taptym, mynaý bos jarmasyp tur, — deıdi.

Qazybek eki áıeldiń sózderin tyńdap bolyp, biraz oılanyp otyryp qalady. Sodan keıin:

— Birińniń balańdy joǵaltqanyńdy, endi biriń tapqanyńdy rastap shyǵarlyq munda basqa kýá joq. Sondyqtan mynadaı bılik etkim keledi, — deıdi de, balanyń eki qolynan eki áıelge ustatyp qoıyp, qara baltany ustap kóterip turyp:

— Ekeýińe qara quladan qaq jaryp bólip beremin. Osyǵan rızasyńdar ma? — degende, balaǵa ıe bolyp júrgen áıel:

— Bireýge ketkeninen jartysy bolsa da ózimde qalsyn, bólseń, ból, — dep bezerlendi. Balany tanyǵan áıel:

— Oıbaı, bıeke-aı, qaıda júrse de tiri bolsyn. Bóle kórmeńizder! — dep bezek qaǵady.

Sodan baryp Qazybek:

— Bala — myna joǵaltqan áıeldiki. Úıtkeni ol balanyń tirligin tilep tur, balasyn ózine ber, — dep bılik aıtady.

Kópshilik mundaı danyshpandyq bılikke óte razy bolady.

---