InfoHub Logo

Osy bitimnen qaıtyp kele sala Qazybek elin Saryarqaǵa kóshirip bul jerdi atamekendik qonys etedi. Biraq áli de ol qonysqa kóship bolmaǵan eldiń sońǵy bólegin, sońdaı-aq Qazybekke nıettes Kishi júzdiń bir bólegin Qońtáji taǵy shaptyryp alady. Qazybekke shabylǵan elden habarshy keledi. Sonymen Qazybek taǵy da qalmaqqa tartady. Bı bul joly Qońtájiniń aldyna kisesken sert qoıyp, mundaı shabynshylyq endigiári qaıtalamaıtyndaı etýge, nemese birjola bitispeskten ketýge bettep, attanady.

«Kórgen jerde kóke bar» degendeı Qońtájiniń ordasyna taıap kelgende, ótkelde turǵan bir jastaý qyz Qazybektiń qaıda bara jatqan jónin surapty. Qazybek qyzǵa Qońtáji hanǵa elshilikpen bara jatqanyn aıtypty. Qyz oǵan:

— Elshi bolsań, qazaqtyń Qazybegi bolarsyń, esebiń bitse, meni de eske alarsyń, — depti.

Qazybek Qońtájiniń ordasyna túsip:

— O, han, sen el shabýdy qoımadyń, men elshilikke kelýden tanbadym.

Qońtáji buǵan:

— Qazybek bı, durys aıtasyń. Seniń qarshadaı on tórt jasar kúninde taısalmaı turyp aıtqan sózderińdi esitip: «shirkin-aı, mynadan bir tuqym alar ma edi?» dep oıladym. Sodan baryp Qazymbetteı ulyńdy aldyrdym. Biraq sen kelip: «erimniń ózi qaıtpaı turyp, bitim etpeımin!» dediń. Ne, bizge tilińdi kesip tastap ketpediń. Sodan keıin menen irgeńdi aýlaq salyp, ári kóshtiń. Seni qaıta bir keltirý úshin
men artta qalǵan elińdi shaptyryp aldym. Endigi sózdiń týrasy — senimen dostasýǵa qumarmyn.

— «Daýdyń artyn qyz biteıdi, sýdyń artyn shymyr biteıdi» deýshi edi. Sondyqtan ne qyz al, ne qyz ber. Qyz berseń, alaıyn, — deıdi.

Han Qazybekten:

— Ulyń nesheý edi? — dep suraıdy.

Qazybek:

— Bir jarym ulym bar, — dep jaýap beredi.

Han buǵan tańdanyp:

— Bir jarymy qalaı? Sender dyǵyrdaı bes ul bar dep estıtin edim, — deıdi.

Bı:

— Meniń elge ıe bolatyn ulym bireý-aq, aty — Bekbolat. Jaýǵa qarsy qoıatyn bir ulym bar, aty — Syrymbet. Ony jartyǵa eseptedim. Al mal men qatynǵa ǵana ıe bolatyn úsheýin esepke alyp júrgenim joq, — dep Qońtájige qarapty.

Qońtáji óz qyzyn Bekbolatqa qosýdy ótinipti. Sonymen shabynshylyq toqtamaǵan eken desedi. Qazybek osy saparynda han ordasyna bara jatqan [da] jolyqqan jas qyzdy ala kelip: «osyny tárbıele» dep ony da Bekbolattyń qolyna tapsyrypty.

---