InfoHub Logo

HHİ ǵasyr ǵylym men bilimniń órkendegen kezeńi. Zaman aǵymyna saı tehnologıalar jańaryp, talap ózgerdi. Degenmen, qoǵamdaǵy eń birinshi qajettilik saýattylyq pen bilim óz mártebesin joıǵan emes. Qazirgi qoǵam qajettiligin qamtamasyz etetin salalar men bilim ordalary boı kóterdi. Memleket tarapynan ártúrli bilim berý baǵdarlamalary júzege asyryldy.  Tegin bilim alýǵa jaǵdaılar jasalyp,  jastardyń bilim alyp, damýyna úlken múmkindikter jasaldy. Sapaly bilim, sanaly urpaq jarqyn bolashaqtyń kepili ekendigi únemi eskerildi.  Osy jolda ǵasyrǵa jýyq qyzmet etip kele jatqan bilim ordasynyń eń úzdigi Ál-Farabı atyndaǵy Ulttyq Ýnıversıteti. Álemdik arenada kósh bastaý, elimizge eńbegi sińetin tárbıeli ári bilikti, kásibı mamandardy daıarlaýdy basty maqsat etken bilim ordasynyń orny erekshe.  

Qazirde Ál-Farabı atyndaǵy Qazaq Ulttyq Ýnıversıteti Qazaqstandaǵy   joǵary bilim berý júıesiniń jetekshi oqý orny.  2001 jyly 5 shilde kúni Elbasy Jarlyǵymen elimizde eń alǵash ret Ál-Farabı atyndaǵy QazUÝ “Ulttyq Ýnıversıtet” mártebesine ıe boldy. Ál-Farabı atyndaǵy QazUÝ Qazaqstan ýnıversıtetteriniń jalpy reıtıńiniń kóshbasshysy, el tarıhyndaǵy tuńǵysh Qazaqstan Respýblıkasy Prezıdentiniń «Sapa salasyndaǵy jetistikteri úshin» syılyǵynyń ıegeri. Halyqaralyq standarttarynyń talaptaryna sáıkestigi úshin jáne álemniń eń iri sertıfıkattaý ortalyqtary – IQNET halyqaralyq sertıfıkattaý júıesinen sertıfıkattar aldy.  2020 jylǵy QazUÝ QS World University Rankings ýnıversıtetteriniń halyqaralyq reıtıńinde álemniń 800 úzdik ýnıversıtetiniń arasynda 165-shi orynǵa ıe boldy, 2018 jyly elimizdiń birinshi ýnıversıteti qamtamasyz etý jaǵynan bilim berý qyzmetteri, ǵylymı-ınnovasıalyq qyzmet, akademıalyq bedeli nátıjesinde  QS STARS - 4 STARS halyqaralyq úzdik  belgisimen marapattaldy.  

Ál-Farabı atyndaǵy QazUÝ san alýan mamandyqtar usynatyn tutas oqý -ǵylymı keshen. Qazirde  quramynda 16 fakúltet, 32 ǵylymı-zertteý ınstıtýttary men ortalyǵy engen bul ordada san myńdaǵan stýdent bilim alýda.  Ár fakúltet qoǵamǵa qajetti salada maman daıyndaýda. Sonyń biri, «Qarjy jáne Esep» kafedrasy jańashyl mamandyqtarǵa negizdelgen.  Elimizdiń ekonomıkasyn zerttep, damýǵa baǵyttalǵan bul salalarmen bizdiń bolashaǵymyz tyǵyz baılanysty. Fakúltet árbir stýdentke ǵylymı zertteý baǵdarlamasyna tolyq qatysýǵa jáne osynda tabysqa jetý yqtımaldyǵyn arttyrýǵa múmkindik beretin qajetti resýrstarmen qamtamasyz etedi.  

Kásibı mamandar, bilikti oqytýshylar quramy men tanymal profesorlar dáris beredi. Oqytýshylar árbir stýdenttiń qabiletin zerttep, soǵan saı bilim berip, jańasha qyrlaryn tanytýǵa qadamdar jasaıdy. Ǵylymı zertteýler men ádistemelerdi júrgiziýde joǵary deńgeıdegi tehnologıalardy paıdalanyp, ony qoǵamda jáne ekonomıkada utymdy júzege asyrýǵa úıretedi.  

Tarıhy taýsylmas, bilim shyraǵyn sóndirmegen bilim ordasynyń tuǵyry bıik.    

Jas muraty,  bilim, tálim — talaby. . .
Óner, oqý — jastyqtyń qarý jaraǵy, -dep jyrlaǵan   İlıas Jansúgirovtiń bul naqyl sózi búgingi kúnniń beınesin sýretteıtindeı.              Qarapaıym tulǵa, kásibı maman, jarqyn bolashaqtyń negizi, elimizdiń erteńi bizdiń alyp jatqan bilimmen tikeleı baılanysta ekendigin únemi boıǵa sińirip, bilimmen qatar ómirlik tárbıe berip, árbir stýdenttiń damýyna QazUÝ erekshe úles qosýda.

Ál-Farabı atyndaǵy QazUÝ- talantty jastar men daryndylardyń mekeni. Táýelsiz eldiń tiregi- bilimdi jastar . Osy maqsatty negiz etip, uranyna aınaldyrǵan eń alǵashqy bilim ordasy Ál-Farabı atyndaǵy Qazaq Ulttyq Ýnıversıtetiniń alar asýy, baǵyndyrar belesteri áli alda. Bilim men ǵylymnyń qara shańyraǵyna aınalǵan bul ordada elimizdiń órkendeýine úles qosatyn bilikti maman, bilimdi tulǵalardyń kóp bolatynyna senimdimin.

Sarsenova Saıa Saıatqyzy
Ál-Farabı atyndaǵy QazUÝ                        
Ekonomıka jáne Bıznes Joǵary Mektebi                      
"Esep jáne aýdıt" mamandyǵynyń 4-kýrs stýdenti
Jetekshi: aǵa oqytýshy Arystambaeva A. Z.  

---