InfoHub Logo

Barlyǵymyz bala kúnde kóp nárseni armandaımyz. Sol kúngi armanymnyń  qazirgi kúnde oryndalatyndyǵyn kim bilgen? Barlyǵyn alańdatqan sol bir  emtıhandy tapsyryp, joǵarǵy bal jınaǵan kezdegi qýanyshymdy sózben jetkizý múmkin emes. Ózimniń  armanyma, súıikti ýnıversıtetime  bir  qadam jaqyndaǵandaı  boldym. Jalǵyz meniń emes talaı túlektiń armany  bolǵan Ál-Farabı atyndaǵy  QazUÝ – de oqý múmkindigi  búgingi tańda maǵanda  buıyrypty. Stýdenttik kezeń adam ómirindegi eń bir qımas, qyzyǵy mol kúnder. Stýdenttik shaq degen  áldebir romannan  nemese aýyzeki áńgimelerden estip júrgen  qyzyqty da baıypty shaqqa enip, taǵy bir qadamymyzdy jasadyq.  Jan-jaqty bilim, qyzyqty stýdenttik shaq, ár-túrli konsert, olımpıada, stýdenttiń bilimge qyzyǵýshylyǵyn arttyratyn túrli is-sharalar, munyń barlyǵy sózsiz stýdentti alǵa jeteleıdi.Búginde ál-Farabı atyndaǵy QazUÝ erekshe mártebesi bar Qazaqstannyń jetekshi klasıkalyq ýnıversıteti, joǵary kásibı, joǵary oqý ornynan keıingi bilim men ǵylymdy ınovasıalyq damytýdyń ulttyq kóshbasshysy. Ýnıversıtet bilim alýshy tulǵanyń jan-jaqty damýyna, ózin-ózi kemeldendirýine qajetti jaǵdaı jasaý úshin bar kúsh-jigerin salyp, stýdenttik ózin-ózi basqarýǵa, kóshbasshylyq qasıetterdi tárbıeleýge mol múmkindikter týdyrýda. Ýnıversıtet stýdentteriniń ómiri qyzyqtylyǵymen ári alýandyǵymen erekshelenedi. Ol tek dárister men semınarlarǵa qatysýmen ǵana shektelmeıdi. Olar shalqyǵan shyǵarmashylyq qýat pen jastyq jalyndy, balǵyn talantty shyńdaıtyn teatr stýdıalary men poetıkalyq klýbtarǵa, kóńildi jáne tapqyrlar saıysyna belsene qatysady. Ǵylymmen aınalysqysy keletin stýdentter úshin de dástúrli túrde «Ǵylym álemi» sıaqty konferensıa, forýmdar uıymdastyrylyp turady. Inovasıalyq jobalarǵa qushtar, zaman aǵymynan qalmaýǵa tyrysatyn stýdentter úshin ár fakúltette bıznes-ınkýbatorlar, ýnıversıtette tehnopark qyzmet etedi. Ál-Farabı atyndaǵy Qazaq Ulttyq Ýnıversıteti – adamgershiliktiń myń jyldyq dáni egilgen, jastyq shaqtyń máńgilik mekeni, bilimge sýsyndaǵan baqytty  kezeńimizdiń  samal lebi esip turǵan ýnıversıtet. Jáne de shattyǵyma shań juqtyrmaı, kókiregimdi oıatyp júrgen QazUÝ oqytýshylaryna dán rızamyn. Eki jyl buryn osyndaı keremet mekenniń stýdenti atandym. Burynǵy kezderi úlkender «ómirdegi eń qyzyqty shaqtar – stýdenttik shaqtar» dese túsinbeıtin edik. Naǵyz ómirlik dostardy osy jerden taptym. Umytylmas keshter men sátter osy ýnıversıtette boldy. Ómirdegi eń ystyq sezimder men peıilder, syılastyq pen qurmet – barlyǵyn osy QazUÝ-dan aldym. QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, men ózimniń QazUÝ-da júrgendigimdi ómirimdegi eń úlken sáttilik dep sanaımyn. 

Mádenıettaný mamandyǵynyń stýdenti: M.M.Muhtar
Jetekshisi: M.A.Esbolova

---