InfoHub Logo

Men, Ál-Farabı atyndaǵy qazaq ulttyq ýnıversıtetiniń stýdentimin. Meıli qıyn bolsyn, meıli qatal bolsyn, meniń QazUÝ-ym — meniń maqtanyshym! Qanshama zamannyń dúldúlderi men bulbuldarynyń, myqtylary men talanttarynyń qanattaryn qataıtqan - qara shańyraǵym! Ár zamanǵa jańa alpaýyttar syılaıtyn - uly bilim ORDASY! Talaı maqtalǵan jerdi qalaı maqtasam da jarasady ǵoı, negizi taqyrypqa arqaý bolsyn dedim.

Ýnıversıtet – ǵalymdar men ulaǵatty ustazdardyń danalyǵy men jastardyń jalyndy isterin, bilim men ǵylymǵa degen izdenisi men qushtarlyǵyn boıyna sińirgen, taýsylmas bilim ordasy. Ózindik tarıxy bar, kópjyldyq bilim berý salasynda jáne ǵylymı jumystarda tájirıbesi mol birden-bir joǵarǵy oqý orny ál-Farabı atyndaǵy Qazaq Ulttyq Ýnıversıteti – joǵary bilim berýdiń kóshbasshysy. 86 jyldyq tarıxy bar qara shańyraq-elimizdiń qoǵamdyq ómiri men bilim, ǵylym, jalpy oqý aǵartý salasynyń qalyptasýy men damýy kezeńderiniń kýágeri.

Siz, mıllıondar jaılaǵan keń shahardyń stýdenti atandyńyz. Mundaı múmkindikke qoly jetpegender qanshama?  Tarıhy tereń, Táńirdiń ózi sulýlyqty esh aıamaǵan qala - Almaty  turǵyndarynyń qataryna qosyldyńyz. Bunyń ózi bir baqyt emes pe?

Múmkin, «aqyly bólimge tústim...»-dep qynjylatyn da shyǵarsyz. Alaıda ata-anańyzdyń adal eńbekpen, mańdaı terimen «balama»  dep tapqan qarjysy ǵoı. Úlken ómirge qadam basyp, «kıimińiz kók, ýaıymyńyz joq» kezde, otbasy jaǵdaı tómen, UBT-dan qulap, stýdenttik ómirge aıaq baspaǵan qurby-qurdastaryńydy bir sát oılańyzshy?  Al,bilim granttaryndaǵy shákirtaqy alatyn stýdentteri jaıly sóz de qozǵamaı-aq qoıaıyn... 
Eger ýnıversıtetińizde  bilim berý júıesi  asa qıyn bolyp,onymen qosa sizdiń bar ýaqytyńyzdy alyp, kúni-túni uıqysyńyzdy urlap, sabaqtar qydyratyn jerlerińizdi shektese,  - qýanyńyz, shyn júrekten qýanyńyz. Sebebi, ol jerde rasymen de joǵarǵy bilim bar. Al, bilim bar jerden – bilikti maman da, bilgir ǵalym da, bilimpaz dana da shyǵady. Siz osylardyń eń sońy bolsańyz da, nesi jaman?Sondyqtan, ulylar júrip ótken uly jerde jańa bolashaqtyń irgesin qalar, myqty urpaq bolyńyzdar!

Qalaı desek te, QazUÝ – bolashaqqa nyq qadam bastyrar sanaly ǵumyrdyń bir aıǵaǵy ispetti. Olaı deıtin sebebim, elimizdiń basty oqý orny meniń jańa qyrymnan tanylýyma múmkindik týǵyzyp qana qoımaı, bilim alýǵa degen potensıalymdy kótergendeı boldy. Sol sebepti de, men ózimniń QazUÝ-da júrgenimdi ómirimdegi eń úlken jetistik dep bilemin!

Jas túlek! Bizdiń Ýnıversıtetke túskin kelse, bilimdi maman atanǵyń kelse tolyq aqparatty bizdiń www.kaznu.kz saıtynan bile alasyzdar. 

Ál-Farabı atyndaǵy Qazaq Ulttyq Ýnıversıteti
Fılosofıa jáne saıasattaný fakúlteti
Dintaný jáne mádenıettaný kafedrasy
"Mádenıettaný" mamandyǵynyń 3-kýrs
stýdenti: Dosjan Altynaı  Qanatjanqyzy
Óndiristik tájirıbe jetekshisi: Esbolva Moldır Aýeltaevna

---