InfoHub Logo

1934 jyldyń 15 qańtary – ýnıversıtettiń naqty qurylǵan kúni bolyp belgilendi.

Ýnıversıtettiń tuńǵysh rektory bolyp QazSSR halyq aǵartý komıtetiniń orynbasary qyzmetinde bolǵan F.T.Olıkov taǵaıyndaldy.

Qazaq memlekettik ýnıversıtetiniń aty men mártebesi ózgere bastady. QazSSR Mınıstrler Kabınetiniń № 629 Qaýlysymen 1991 jyly 23 qazanynda Qazaq memlekettik ýnıversıtetine uly fılosof, ensıklopedıst ǵalym ál-Farabı aty berilip, 1993 jyldyń 9 qańtaryndaǵy №1059 QR Prezıdenti N.Á.Nazarbaevtyń Qaýlysymen ál-Farabı atyndaǵy Qazaq memlekettik ulttyq ýnıversıteti dep atalatyn boldy.

Esimde, bala kúnimde eki aǵamda QazUÝ-da stýdent bolyp oqyp júrgen kezderi.Ol kezdegi menińde eń úlken maqsatym-QazUÝ da oqý edi.Óte tanymal, belsendi, abyroıly ýnıversıtet bolǵasyn, jańalyqtarda da, ǵalamtorda da ol jaıly jıi shyǵady.Armandap, aqyry oqýǵa tústim-ókinish múlde joq, belsendi orta, tájirıbeli ustaz, sapaly bilim-meniń izdegenimde osy.Mundaǵy ortanyń 70%-y men sekildi bala kúninen armandap, mahabbatpen kelipti.Ár stýdentpen tanysqanda ózimdi kórgendeı bolamyn.Belsendi orta dep ataǵanym beker emes!Shynynda, damımyn, ósemin, menmin degen menmundalaǵan orta QazUÝ da eken.QazUÝ saǵan myń alǵys, osynshama myqty ortaǵa meni ákelip qoıǵan!

Ál-Farabı atyndaǵy QazUÝ-dy tańdaýdyń 5 sebebi:

1. Ál-Farabı atyndaǵy QazUÝ otandyq ýnıversıtetter ulttyq reıtingisiniń kóshbasshysy jáne QS halyqaralyq reıtingisinde álemniń 800 úzdik ýnıversıtetteri arasynda 220 oryndy alady.

2. Ýnıversıtettik kampýsta zamanaýı oqý ǵımarattary, ǵylymı ınfraqurylym, kitaphana, ınternet-ortalyq, fýdkorttar, sport kesheni, kınoteatr, «Keremet» stýdentterge qyzmet kórsetý ortalyǵy, Stýdentter saraıy, áskerı kafedra, baseın, «Jas ǵalymdar úıi» bar. Stýdentterege yńǵaıly jataqhanalardan oryn beriledi.

3. 16 fakúltette 86 mamandyq boıynsha joǵary bilim (bakalavrıat) alý, magıstratýra men PhD doktorantýrada oqýdy jalǵastyrý múmkindigi bar. Oqý úsh tilde: qazaq, orys jáne aǵylshyn tilderinde júrgiziledi.

4. Joǵary jáne arnaıy orta bilim negizinde bilim alý. Oqýdyń túrleri: kúndizgi jáne qashyqtyqtan oqytý.

5. Úzdiksiz bilim berý júıesi: beıindik mektep, kolej, bakalavrıat, magıstratýra, PhD doktorantýra – sáttilikke bastar jol!

Ý. M. Djoldybaeva Ál-Farabı atyndaǵy QazUÝ-niń Qazaqstan tarıhy kafedrasynyń dosenti  K.M.Ámıt Ál-Farabı atyndaǵy QazUÝ-niń Shyǵystaný fakúltetiniń 1-kýrs stýdenti

---