InfoHub Logo

Qazaq halqynda «aýrý qalsa da, ádet qalmaıdy» degen jaqsy maqal bar. Ádet— adamnyń kúndelikti tirshilik qajetine baılanysty qalyptasqan turaqty minez, is-qımyl ereksheligi bolyp tabylady. “Aýrý qalsa da ádet qalmaıdy” deý, ádettiń turaqty qajettilikke aınalǵanyn kórsetedi. Ádettiń de unamdy, unamsyz túrleri bolady.

Osy sózime dálel retinde myna bir ıgi jaqsy ádetke aınalǵan dástúrdi aıtqym keledi. Mektep qabyrǵasynda oqyp júrgenimde osy oqıǵaǵa asa mán bermeppin. Qazir oılanyp otyrsam úlgi aralyqtaı jaǵdaı eken. Mektebimiz Dinmuhammed Ahmetuly Qonaev atynda bolǵandyqtan, mektepte 12 qańtar kúni atamyzdyń týǵan kúnine oraı arnaıy shara ótkizilip, jeti shelpek taratylady. Dımash atamyzdyń árýaǵyna quran baǵyshtalady.

Buny mektebimizdyń dástúri dep qarasaq ta bolar edi. Biraq, dál osy jaǵdaıdy adam boıynda qalyptasqan jaqsy bir ádet der edim. Buny kórip ósken árbir óskeleń urpaq tap sol sátte uǵyna almasa da, men sekildi es bile kele ózine jaqsy bir ádet eteri sózsiz.

Bul maqalany jazýǵa sebep: ınstagramm áleýmettik jelisin aqtaryp otyryp, mektebimizdiń áleýmettik paraqshasynda osy bir kórinisten úzindiler kórip qaldym. Al, sol fotosýretterdi qarap otyrǵan men mektep qabyrǵasynda ótken bal-balalyq shaqqa saıahat jasap qana qoımaı, mektebimdegi ár urpaqtyń boıynda osyndaı maqtan tutarlyq ádet qalyptasyp jatqanyna súısine qaradym. Jáne de bolashaq pedaogog retinde osy ádetti óz shákirterimniń boıyna sińiremin dep nıet ettim.

«Aýrý qalsa da, ádet qalmaıdy» degen máteldi biz kúndelikti ómirde, baspasóz betterinde jıi qoldanamyz. Biraq osy sózdi kóbinese qoǵamnyń ne  adamnyń teris minezderin aqtaý úshin qoldanatymyzdy baıqaımyz ba? Ár nárseni jaqsy etýde, jaman etý de, sondaı-aq jaqsy sóıleý men qabyldaýda bizdiń enshimizdegi dúnıe.

Sondyqtan, jaqsylyqqa bastar, ónegeli úlgi bolar ádetterimiz kóp bolǵaı!

Núsipbáli Darıǵa Qazaqstan tarıhy kafedrasynyń dosenti Djoldybaeva Ý.M.

---