InfoHub Logo

Ortańǵy top
Bilim berý salasy: "Qatynas"
Uıymdastyrylǵan oqý is - áreketi: Kórkem ádebıet
Maqsaty: Jyl mezgili qys týraly túsinikterin keńeıtý, ózine tán erekshelikterin ajyrata bilýin, sýret kórinisterin beıneleı bilýge úıretý, óz oıyn tolyq jetkize bilýge, júıeli áńgimeleýge úıretý, buǵan deıin alǵan bilimderin tıanaqtaý. Balalardyń sóıleý áreketin, tilin, este saqtaý qabiletin, kórkemdik talǵamyn, oı - qıalyn damytý. Tabıǵatty aıalaýǵa, ásemdikti sezinip, kóre bilýge tárbıeleý.

Ádis - tásili: Áńgimelesý, túsindirý, kórsetý, suraq - jaýap, áńgimeletý, ǵajaıyp sát, oıyn, sergitý áni.
Kórnekiligi: Orman kórinisi, qys týraly, beıneli sýretter, magnıtti taqta, tis pastasy, súrtkish, aqqala, shyrsha, aǵashtar, aıý, qoıan, túlki keıipkerleri.
Pánaralyq baılanys: Til damytý, qorshaǵan orta, matematıka, sýret, án.
Aldyn - ala júrgizilgen jumystar: Serýen, qys týraly óleńder jattatý.

A. Meńjanovanyń «Bul jyldyń qaı mezgili?» óleńin oqý.
Shanamen zyrǵyp jeletin
Kónkı, shańǵy tebetin,
Aqqala jasap oınaıtyn
Qaı mezgil dep oılaısyń?
- Qys mezgili
- Jaraısyńdar, balalar, qys mezgiliniń belgilerin bilemiz be?
- Qar jaýady, aıaz bolyp, boran soǵady.
- Endeshe, boran soqqanyn qımylmen qalaı kórsetemiz?
(Qoldaryn joǵary kóterip, gýildeıdi)
- Qatty aıaz bolyp tońǵanda ne isteımiz?
(Qoldaryn qýsyryp, aıaqtaryn topyldatady)
- Al kún shyqqanda ne isteısińder?
(Alaqaı, dep qoldaryn kóteredi)
- Jaraısyńdar, osyndaı tamasha kóńil - kúımen ormanǵa barǵylaryń kele me?
- Ia, barǵymyz keledi.
- Endeshe, meniń sıqyrly qalpaǵymnyń kómegimen biz ormanǵa baramyz. Qane, bárimiz kózimizdi jumamyz.
(Balalar kózderin jumady, ashqan kezde orman kórinisi kórinedi)
- Mine, balalar, biz ormanǵa keldik. Ormannan nelerdi kórip turmyz?
- Qar basqan shyrshalar, aǵashtar, aqqala, úıilgen qarlar.
- Qar týraly sender ne bilesińder?
- Appaq, appaq qar appaq
Aınalanyń bári appaq
- Shyrshanyń túsi qandaı? Boılary birdeı me?
- Túsi jasyl, boılary bıik jáne alasa
- Ormanda taǵy neler bar eken? (Qoıan, túlki shyǵady)
- Ańdar bar.
- Ańdar týraly ne bilesińder?
(Balalar taqpaqtar aıtady, qoıan men túlki keledi)
- Oı, qandaı tamasha! Biz de sendermen birge júreıikshi.
- Balalar, myna aǵashqa qarańdarshy, japyraqtary bar ma?
- Joq
- Mynaý aq bolyp turǵan ne?
- Aq qarlar
- Balalar, myna jerde bireý bar sıaqty, bul kim boldy eken?
- Aıý ǵoı
- Balalar, aıý qysta uıyqtap jatady, shýlasaq oıanyp ketedi.(Aıýdyń apanynyń qasynda qorapsha turady). Myna qorapshany bireý joǵaltyp alǵan sıaqty, ózimizben birge ala keteıik, surasa berermiz. Al, mynaý ne nárse?
- Bul aqqala
- Ia, bizdiń aldymyzda da, balalar kelip, aqqala jasap ketken sıaqty. Aqqala neshe bólikten turady?
- Úsh bólikten turady
- Pishini qandaı?
- Pishini dóńgelek.
- Al túsi qandaı?
- Túsi aq.
- Aqqalany neden jasaıdy?
- Aq qardan jasaıdy.
- Balalar, biz tońyp qaldyq, ańdarmen birge sergitý oıynyn oınasaq qalaı bolady?

Sergitý
Aıaz bolsa sekiremiz. (Balalar sekiredi)
Shýaq bolsa toqtaımyz. (Balalar toqtaıdy)
- Balalar, bizdiń qaıtatyn ýaqytymyz boldy, sıqyrly qalpaqtyń kómegimen balabaqshamyzǵa qaıtaıyq. (Balalar kózderin jumady)
- Mine, balalar, biz balabaqshamyzǵa da keldik. Qysqy ormannan ne kórdik?(Balalardyń jaýaby)
- Balalar, ormannan taýyp alǵan qorapshany ashyp kóreıik. Mine, qyzyq! Bul jerde qys mezgilin beıneleıtin sýretter bar eken. Bulardy qurastyryp, áńgime qurap aıtaıyq. (Balalar sýretke qarap áńgimeleıdi)
- Balalar, bizdiń qysqy kórinisimiz budan da ádemi bolý úshin, qar jaýǵyzsaq qaıtedi? Endeshe, bárimiz kezekpen oń qolymyzdyń saýsaq ushymen aq qardyń sýretin beınelep salaıyq. (Balalar dástúrli emes ádispen, tis pastasyn paıdalana otyryp, qardyń beınesin salady)
- Oı, qandaı keremet! Endi bárimiz «Kóńildi qys» ánin oryndaıyq.

Kútiletin nátıje: Bilýi: Qys mezgiliniń erekshelikterin ajyratyp, ataı biledi
Meńgerýi: Sýret boıynsha áńgime qurastyryp aıtýdy, suraqqa tolyq jaýap berýdi úırenedi.
Jasaı alýy: Beıneli sýretterdi qurastyryp, qardyń beınesin saýsaqpen salady.