InfoHub Logo

 5-7 synyp oqýshylarynyń psıhologıasy jas jetkinshek kezeńdi qamtıdy. Biraq óz ustanymyn qatań aıtatyn, biraq sabyrsyz balalardyń bolashaǵy shynynda da alańdatady. Qyz balanyń ul balaǵa qaraǵanda erte jetiletinin eskersek, óz otbasyndaǵy áreketteri tym belsendi. Al synypta tym uıalshaq, biraq óz talaptaryn oryndatqyza alatyn qyrsyq minezderi de baıqalady. Keıbir jetkinshekter ata-anasynyń sózderinen asyp kete almaıdy. Ózindik pikiri qalyptaspaǵan ul balalardyń pikir bildirýde jasqanatynyn, ekiushty pikirden aspaı, bir toqtamǵa kele almaı dal bolatyny da baıqalady. Ádette olar óz aıtqany oryndalmaǵan kezde, birden ashýlanyp, jylap-syqtap, "óner" kórsete salady.         

Sonymen, "jylańqy" álsiz balalar qalaı paıda boldy? Jáne olardyń osylaı qalyptasýyna kim kináli? Birinshiden, óz talaptaryn qatań ornatqysy keletin ata-analar kináli dep esepteımin. Bala mektepke barǵan shaqtan ata-anasy onyń bolashaqtaǵy mamandyǵy, kıetin kıimi, sóıleıtin sózi men baryp-keletin ýaqytyna sheıin tizbektep otyrady. Iaǵnı ol balada jeke tulǵa retindegi ishtegi egoızmdi óz týystary "óltirip" tastaǵan. İshten endi oıanyp kele jatqan dara oıy men ustanymy osylaı tunshyǵyp qalady da, ynjyq, jylańqy balalar qalyptasa bastaıdy. Ata-anasyna qaıtara almaǵan renishi men yzasyn ózge adamdardan: synyptasy, dosy, ustazy, tárbıeshisi sıaqty adamdardan alýǵa kirisedi. Bul ashshy shyndyq bolyp tur.   Bul rette ata-ananyń óz balasyna degen qatań talaptaryn ornymen qoldanǵany durys. Únemi balany baqylaýda ustaý, óz sóziniń sheńberinen shyǵarmaý-balanyń psıhologıasyna áser etýde. Mekteptegi sabaq barysyndaǵy jaǵdaılardy da tizbektep suraıtyndary bar. Balanyń kózinshe "qoıshy, sol apaıyńdy, túk te bilmeıdi" jata qalyp sógip jamandaıdy. Balanyń boıyndaǵy ustazǵa, synyptastaryna degen qurmetti ózderi qoldan óshiredi. Sondyqtan da aldymyzdaǵy otyrǵan balanyń úlkenniń sózine qulaı aspaıtyny. Basynan sóz asyrmaıtyn, óz kemshiligin saralaı bilmeıtin zarjaq, myljyń, júıke júıesi álsiz balalar qalyptasýda. Oılanaıyqshy osy týrasynda....

---