InfoHub Logo

Ertede bireýdiń bir uly, bir qyzy bolypty. Qyzy kóp otyryp qalǵan, ári aqylsyz, ári kelbetsiz bolady da, uly sózge sheber, qý tildi eken.

Bir kúni kórshi aýyldan kisiler kelip, álgi úıdiń qyzyna quda túsedi. Qyz uzatylǵanda jylap-syqtaıtyn ádeti bar emes pe? Qyzyn uzatarda ata-anasy, oǵan qosyla uly da jylaıdy. Qyz ketedi. Toı tarqaıdy. Sonan soń uly áke-sheshesine kelip:

— Baǵana sender nege jyladyńdar? — deıdi. Áke-sheshesi:

— Qyz jat-jurttyq bolǵanmen, ishten shyqqan shubar jylan ǵoı. Qımaı jyladyq. Al sen nege jyladyń? — depti. Sonda uly turyp:

— Sender qyzym ketti dep jylasańdar, men sol qyz qaıtyp kele me dep jyladym, — degen eken.

---