Túlkiniń jaqsylyǵy
Bir mergen bir qusty atyp alypty. Onyń úsh balapany uıasynda jetim qalypty. Olardyń shyryldaǵan daýysyn estigen túlki aǵash túbine kelipti de, jany ashyǵan beınede:
— Eı, sorly jetimder-aı, sender qaıtyp kún kórer ekensińder, — dep bir turypty da, onan soń basqa ań-qustardy olarǵa jem tastaýǵa shaqyrypty. Kókekti mamyq júnin berýge, boztorǵaıǵa tamaq izdeýge, sary moıyndy olardyń qasynda bolýǵa, qarlyǵashty masa, shybyn ákelýge, sandýǵashty án shyrqap olardyń kóńilin kóterýge buıyrypty. Túlkiniń bul jaqsy kóńiline ań-qustyń báriniń kóńili bosapty. Sóıtip
turǵanda ashtyqqa shydamaǵan úsh balapan aǵash basynan jerge qona qalypty. Sonda jetimderdi aıap saýaptyq is istegeli turǵan álgi túlki úsh balapandy lyp etkizip qylǵı salypty da, zytyp beripti.
You Might Also Like
-
Arystan búkil ań balasyna patsha bolyp turǵan kezde, ádil bılik júrgizip, eldiń qurmetine bólenýdi oılapty ári solaı da istepti. Bir kúni arystan bir tóbege shyǵyp otyryp, jaıylyp júrgen kóp ala qoıd...
-
Ertede bireýdiń bir uly, bir qyzy bolypty. Qyzy kóp otyryp qalǵan, ári aqylsyz, ári kelbetsiz bolady da, uly sózge sheber, qý tildi eken.
