InfoHub Logo

“Áleýmettaný” ǵylymy qoǵamdy jáne oǵan ekonomıka sıaqty ártúrli faktorlardyń qalaı áser etetinin zertteıdi. Basqasha aıtqanda, bul jeke adamdardyń, toptardyń jáne qoǵamnyń áleýmettik ómirin zertteý. “Áleýmettaný” - bul toptyq ómirdi jáne bizdiń jeke ómirimizdiń áleýmettik ózara árekettestik áser etetin bólikterin zertteıdi. Áleýmettanýdyń páni alýan túrli: qylmystan dinge, otbasynan memleketke, násildik jáne áleýmettik tapqa bólinýden jalpy mádenıettiń ortaq senimderine deıin, áleýmettik turaqtylyqtan tutas qoǵamdardaǵy túbegeıli ózgeristerge deıin. Osy ártúrli zertteý pánderin zertteýdi biriktirý áleýmettanýdyń maqsaty adam áreketi men sanasynyń qorshaǵan mádenı jáne áleýmettik qurylymdar arqyly qalaı qalyptasatynyn túsiný bolyp tabylady. “Áleýmettaný” bizdiń jeke ómirimizdegi, qoǵamdastyqtaǵy jáne álemdegi mańyzdy máselelerdi taldaıdy jáne túsindiredi. Jeke deńgeıde áleýmettaný romantıkalyq mahabbat, násildik jáne genderlik sáıkestik, otbasylyq qaqtyǵystar, minez-qulyq, qartaıý jáne dinı senim sıaqty nárselerdiń áleýmettik sebepteri men saldaryn zertteıdi. Ol qylmys pen zań, kedeılik pen baılyq, alalaýshylyq pen kemsitýshilik, mektepter men bilim, iskerlik fırmalar, qalalyq qaýymdastyqtar jáne qoǵamdyq qozǵalystar sıaqty máselelerdi zerttep, túsindiredi. Álemdik deńgeıde “áleýmettaný” ǵylymy halyq sanynyń ósýi men mıgrasıasy, soǵys pen beıbitshilik, ekonomıkalyq damý sıaqty dúnıelerdi zertteıdi. Qazirgi tańda elimiz boıynsha “áleýmettaný” mamandyǵyn oqytýdaǵy úzdik ustazdar qurylymy - ál-Farabı atyndaǵy QazUÝ-ne tıesili. Olardyń ishinde - Abdıraıymova G.S. , Sadyrova M.S. , Shedenova N.Ý. , Mýstafına A.S , Kylyshbaeva B.N.  syndy ustazdar retin aıta alamyz. Qazirgi tańda “Áleýmettaný jáne áleýmettik jumys” kafedrasy boıynsha kóptegen stýdentter bilim alýda. Jáne de osy sferadaǵy bilim alýshylar bolashaqta óz salasynyń úzdik mamandary bolady dep senemin. Sonymen qatar, qoǵam jáne onyń qurylymy, ondaǵy bolyp jatqan prosester jaıly qyzyǵýshylyǵy bar bolashaq túlekter úshin eń utymdy sheshim - ál-Farabı atyndaǵy QazUÝ-niń “áleýmettaný” mamandyǵynyń stýdenti atanýy.

Oryndaǵan: 

Ótegen Aqnıet Sultanqyzy, “Áleýmettaný”, magıstratýra, 2 kýrs, Ál-Farabı atyndaǵy Qazaq Ulttyq ýnıversıteti

Shedenova Nazym Ýtegalıevna, áleýmettaný ǵylymdarynyń doktory, dosent, áleýmettaný jáne áleýmettik jumys kafedrasy, Ál-Farabı atyndaǵy Qazaq Ulttyq ýnıversıteti

---