InfoHub Logo

Uly oıshyl, nusqaly aqyn, kóripkel, baqsy, ańyz keıipkeri Qorqyt baba IX ǵasyrda Syr boıynda ómir súrgen. Ol — dúnıe únin qobyzdyń qyl ishegine syıǵyzǵan, kúı shalý dástúrin alǵash ornyqtyrýshy, kúıshi, sazger. Qorqyt ata kúılerin tyńdaǵanda dúnıe kúńirengendeı, keıde dala sóılep turǵandaı áser alasyń. Onyń «Qorqyt», «Aqqý», «Qorqyttyń saryny», «Jelmaıa» jáne t.b. kúıleri halyq jadynda máńgi saqtalǵan.
Kóptegen baqsy, kúıshi, jyraýlar Qorqytty pir tutqan. Aty ańyzǵa aınalǵan Qorqyt baba ólimge qarsy kúresýshi, adamzat balasyna ómir izdegen jan retinde sýretteledi.

Syrdarıa ózeniniń jaǵasynda erekshe qobyz pishindi Qorqytqa arnalǵan záýlim eskertkish kóterildi. Bul — ataqty arhıtektor Bek Ybyraevtyń týyndysy. Jel turǵanda osy eskertkishten ýildegen ún estilip, kúı tógiledi.

Oqýǵa keńes beremiz:

Qorqyt týraly ańyz

Jelmaıa (İ nusqa)

Áýppaı (İ nusqa)

Qorqyt ata kesenesi

---