InfoHub Logo

Qorqyt jurttan asqan aqyldy, aldaǵyny boljaǵysh adam eken. Ol bir jerde otyrmaı únemi dúnıe kezip, tirshiliktegi jaqsy-jamandy kórip, salmaqtap, synap baıybyna jetip, bilip júripti. Bireý kári, bireý jas, bireý baqytty, bireý baqytsyz, bireý qyrshyn jas kúıinde, bireý qartaıyp óledi. Jas týyp dúnıege keledi, qarıa ólip dúnıemen qosh aıtysady. Nelikten bulaı? Biraq qansha oılanyp, tolǵansa da, munyń jaýabyn taba almaıdy. Jasy ulǵaıǵan saıyn Qorqyt ólim jaıyn kóbirek oılaıtyn bolypty. Ólim túsine de kire beredi. Bir kúni túsinde Qorqyt japan dalany kezip kele jatsa, kór qazyp jatqan bir top adamǵa kezdesip, olardan:

— Muny kimge qazyp jatyrsyńdar? — dep suraıdy. Kór qazýshylar:

— Qorqyt áýlıeni qoıýǵa qazyp jatyrmyz, — deıdi. osydan seskenedi de, Qorqyt keler kúni kór qazylyp jatqan jerden basqa, dúnıeniń ekinshi bir shetine sapar shegedi. Betpaqtyń shólin de, Saryarqany da túgel kezedi. Qaıda júrse de, qaıda barsa da uıyqtasa-aq bolǵany — túsinde ózine qazylyp jatqan kórdi kóredi. Jer ortasy Syrdarıanyń jaǵasy eken. «Jeruıyq» osy dep, qazirgi Qorqyt molasy turǵan Syrdarıanyń jaǵasyna kelip turaqtaıdy. «Elimniń tarıhı ańyzdar qaıǵysyna myń da bir daýa osy bolar» dep, Syrdyń sýyna kilemin tósep, qobyzyn tartyp turady.

 

---