QR BǴM: Qazaqstandyqtar oqýlyqtardyń sapasyn arnaıy portal arqyly baǵalaǵandary jón
QR Bilim jáne ǵylym mınıstrligi qazaqstandyqtardy arnaıy portal arqyly oqýlyq sapasyn baǵalaýǵa belsendi túrde qatysýǵa shaqyrdy.
«Oqýlyq sapasyn qoǵamdyq baǵalaý» portaly qalyń jurtshylyqqa jańa oqýlyqtar jóninde eskertýler men usynystar bildirý múmkindigin beredi. Ázirge portalǵa memlekettik saraptamadan ótip jatqan 9-synyp oqýlyqtary ǵana engizildi», - delingen habarlamada.
Mekemeniń baspasóz qyzmetiniń habarlaýynsha, portal oqýlyqtardyń mazmuny men sapasyn jaqsartýǵa, pedagogtar men ata-analardyń pikiri men usynystaryn nazarǵa alýdy qarastyrady.
«Portal barlyq nıet bildirýshilerge qazaqstandyq oqýlyqtardy jetildirý prosesiniń belsendi qatysýshysy bolýǵa múmkindik beredi. RǴPO saıtynda ornalasqan www.okulyk-edu.kz meken-jaıyndaǵy «Oqýlyq sapasyn qoǵamdyq baǵalaý» bannerine ótý arqyly oqýlyqtardy qaraýǵa bolady», - delingen habarlamada.
You Might Also Like
-
QR Bilim jáne ǵylym mınıstri Erlan Saǵadıev pen «Nursultan Nazarbaevtyń bilim berý qory» Qoǵamdyq qorynyń dırektory Dınara Qulybaeva Almaty oblysyndaǵy «Arystan» mamandandyr...
