InfoHub Logo

Qadirli qudalar, aǵaıyndar! «Ulyń ósse uly jaqsymen, qyzyń ósse qyzy jaqsymen aýyldas bol» degen dana sóz bar halqymyzda. Búgin mine, eki jas bir-birimizdi týys etip otyr. Bárimiz de týǵan úıimizdiń órisin osylaı keńeıtkenbiz. Qyz óris degen osy eken. Qyzdyń barǵan jerge sińip ketýi birinshiden, jastardyń tárbıesine, ekinshiden aǵaıynnyń tatýlyǵyna kóp baılanysty. Kánekı, eki jasqa qutty qadam, qudalarǵa yntymaq tileıik.

**** **** ****

Qadirli týystar, meımandar. Kúni keshe qudalardyń aldynan ótip, alaqandaryna salyp aıalap otyrǵan qyzdaryn úkilep alyp keldik. Búgin mine toı-dýman bizdiń elde júrip jatyr. Qyzdy týǵan uıasynan ushyrý ońaı emes. Qyz ata-anasynyń, týystarynyń qandaı qımas sezimmen, úlken úmitpen, kámil senimmen attandyryp salǵandaryn kórdik. Jastardyń qadamy qutty bolsyn. Tikken otaýlaryna yrys kirsin, yntymaqty bolsyn. Kelinniń etegi balaǵa tolsyn, bir-ekeýmen shektelip qalmasyn. Ápkem men jezdem endi nemere súıip, solardy álpeshtep, qyzyqtaryna kenele bersin, biz sonyń kýási bolaıyq.   

 

---