Qudańyz bosana ma?
Erterekte quda-jekjattardyń arasynda ózara qarym-qatynas qaryshtap turǵan kezde Kókteýbaı degen aqsaqal artynyp-tartynyp, alystaǵy qudasyn izdep barady. Kóp jyl kórispegen jekjatyna jetken soń saǵynysyp qalǵan qudasy qýanyp, qol qýsyryp, taıyn soıyp, kishigirim toı jasaıdy.
Qazaqtyń salt-dástúri boıynsha Kókteýbaıdy qudalary qudaısha syılap, qonaqasyny molynan asyp, taıdyń etin taıqazanǵa toltyra salady. Alystan atsoqty bolyp, sharshap-shaldyǵyp, ashyǵyp kelgen Kókteýbaı býy burqyraǵan jas jylqynyń etin ashkózdene jep, sorpasyn kóbirek iship qoısa kerek. Jylqynyń jas sorpasy asqazanyna jaqpaı «qozǵaý salypty». Qudaǵıy aýmaǵy alty qadamdaı ǵana kıiz úıdiń tórine Kókteýbaı qudasyna tósek salyp beredi. Sham sónip, jurt jappaı uıqyǵa ketken kezde shaldyń asqazany oıran-topan bolyp, amalsyzdan ornynan turyp, syrtqa shyqpaq bolady. Qudaı tóbeden atqanda, túndigi jabylǵan qarańǵy úıdiń esigin taba almaı, qart qatty sasady. Zor kelgende tórdiń tóbesine otyra qalyp, bylaısha «óleńdetedi»:
— Bul úıiń qazaq úı me, shoshala ma,
Janymdy úsh kún buryn osy ala ma?
Qudaǵı, ornyńnan tur, shamyńdy jaq,
Qudańyz aman-esen «bosana ma»...
Bir jaǵy ázilge, bir jaǵy shyndyqqa janastyryp aıtqan ázil óleńdi estigen qudaǵı ornynan turyp, shamyn jaǵyp, esikti ashyp, qudasy syrtqa shyqqan eken.
You Might Also Like
-
Álem kún saıyn jańarýda. Kún saıyn túrli jańalyqtar ashylýda. Kún saıyn jańa jobalar iske asyrylýda. Kún saıyn bul ómirdiń bizge daıyndaǵan syıy artýda. Sondyqtan ár kúnge jańasha kózqaraspen qaraýǵa...
-
Erte ýaqytta Qyzylaraı mańynda un tapshy bolypty. Sol ýaqytta bul óńirdiń adamdary Alataýdan un tasysa kerek. Sondaı bir joly «aq malǵa» barǵandar oljaly qaıtyp kele jatady. Sol Alataý t...
