InfoHub Logo

Túrkistan shaharynda ertede Makkam degen ózbek jigiti men Qıasbek degen qazaq jigit kórshi turypty. Ekeýi de aýmaly-tókpeli bolypty.

Makkam tóbesine úlken qumyra qoıyp, bazarǵa aıran aparyp satady eken. Qıasbek sheshesi tigip bergen taqıa, bórikti saýdalaıdy eken. Keıin Qıasbektiń úıi de sıyrly bolyp, endi ol da Makkamǵa uqsap aıran satýǵa shyǵypty.

Bir kúni ekeýi aıran toly qumyralaryn tóbelerine qoıyp, bazarǵa kele jatady. Jolshybaı kóńil shirkin shartarapty sharlap alty qat aspan astyn, jeti qat jer ústin kezedi. Sóıtip, Qıasbek bir qıalǵa ketedi.

«...Bazar ishi. Adamdar qumyrsqadaı jybyrlaıdy. Qıasbek damyl tappaı aıran satyp jýr. Ol kúnine eki somnan, aıyna alpys som, jylyna jeti myń som aqsha tapty. ... Kelesi jyly osy tapqan aqshasyn jumsap, qaladaǵy Dáýletbek degen iri baıdyń Aıkúnim degen sulý qyzyna úılenip, úlken toı jasapty...

Mine, endi Qıasbek sol sulý qyzymen birge otyr.

—Janym, Aıkúnim»,—deıdi. Onyń aýzyna eriksiz shyǵyp ketken osy bir sózge manadan beri qasynda qabattasyp kele jatqan Makkam edireıe qarap:

—Iá, Qıas aka, nimá býldy sáńgá?—dese de, ol eleń eter emes, eki kózi jumýly qıalyndaǵy Aıkúnimge taǵy da:

—Janym, jarym, bir súıgizshi,—dep, qabatynda kele jatqan Makkamdy shap berip qapsyra qushaqtap, betinen súıip- súıip alǵanda, ekeýiniń de tóbesindegi qumyra toly aıran aqtarylyp qalypty...

---