InfoHub Logo

Erekshe bezder shyǵaryp, qulaq ininiń basynda kóbeıe­tin qulaq qulyǵy is júzinde paıdaly zat. Ol syrt­tan kiretin shańdy ustap, qulaq shymyldyǵyna qaraı jibermeıdi. Alaıda serýmınoz bezderi tym belsendi bolsa, ne qulaǵymdy tazalaımyn dep, qulyqty ishke qaraı ıterip tastasańyz in túbinde qalyń qulyq tyǵyny ornyǵýy múmkin. Onyń saldary: qulaǵyńyz shýyldaıdy, aýyrady, estý nasharlaıdy. Ne isteý kerek? Bizdiń keńeske qulaq qoısańyz, oıyńyz ońǵarylady.

— Tikeleı syrǵalyq tusynan basyńyzdy jaılap ýqalańyz — bul qulyqty jumsartady. Sodan keıin syr­ǵalyqty tómen tartyp, bosatyp  turyńyz. Tartqan kezde aýzyńyzdy ashyńyz, bosatqan kezde jabyńyz.

— Pıpetkany 37 gradýs temperatýradaǵy ne sál joǵary gradýsty sýteginiń asqyn totyǵymen toltyryńyz. Sodan keın bitelgen qulaqty joǵary qaratyp jatyńyz da, soǵan qulaq ini tolǵansha sýtegi totyǵyn tamyzyńyz. Osylaı úsh mı­nýt jatqannan keıin sýtegi totyǵy quıylǵan qulaǵyńyzdy suıyq aǵyp bolǵansha, jýynǵysh shylapshynǵa eńkeıtińiz ne oramalǵa basy­ńyz. Sodan soń álgi qulaqqa jaılap jyly sý shashyratyńyz. Biraz solaı ustap, sýdy aǵyzyp jiberińiz. Qulaqty shúberekpen, ne maqtamen qur­ǵatyńyz.

— Sýtegi totyǵynyń ornyna vazelın maıyn da paıdalanýǵa bolady. Bitele bastaǵan qulaǵyńyzdy joǵary qaratyp, pıpetka­dan birneshe tamshy tamyzyńyz. Ol maı óz yqpalyn bil­dirip jatqanda, bir saǵat boıy óz sharýańyzdy tyndyra berińiz. Sodan soń qulaqqa jyly sý tamyzyp, ol suıyq túgel shyǵyp bitkenshe basyńyzdy shaıqańyz.

— Jýyp bolǵan soń qulaǵyńyzdy fenmen qurǵatyńyz. Ony eń salqynyna qoıyp, qulaǵyńyzdan otyz santımetr aralyqta ustańyz.

— Jýynǵan saıyn qulaǵyńyzdyń ishin ylǵaldy shúbe­rekpen jaqsylap súrtińiz. Eshqashan qulaq inine maqtaly taıaqsha suqpańyz. Onymen siz qulyqty qulaq perdesine deıin ıteresiz, ol jerde qulyqty jumsartatyn bez joq. Sonyń saldarynan tastaı myqty tyǵyn paıda bolady. Munyń ústine siz qulaq perdesin tesip jiberýińiz de múm­kin.

— Mal maıyn, sary maı, syr, t.b. paıdalanýdy qysqartyńyz. Ári olardy margarın, jartylaı fab­rıkattar, t.b. almastyrmańyz. Keıbir  mamandar osynaý zattar qulaq bulyǵyn jasaıtyn bezderge septesedi, munyń ústine onyń tyǵyzdyǵyn art­tyrady dep biledi. Balyqta, dánde, jańǵaqta bola­tyn maı paıdalanǵan áldeqaıda jaqsy.

— Eger estýdi jaqsartatyn apparatty paıdalan­sańyz, kún saıyn keshke jatar aldynda ony shú­berekpen muqıat súrtip qoıyńyz, sonda qulyq jı­nalmaıdy.

— Qulaǵyńyzda jún kóp bolsa, ony kishkentaı qaıshymen nemese arnaıy batareıaly trımmermen qyrqyńyz. Keri jaǵdaıda qulyq ony bir­-birine ja­bystyryp tastap, tazalaýdy qıyndata túsedi.

Oqýǵa keńes beremiz:

Balanyń qulaǵyna nemese murnyna kirgen nárselerdi qalaı shyǵaramyz?

Qytaı ǵalymdary adamnyń qulaǵyn qalpyna keltirýdiń tyń ádisin oılap tapty

Nege birnársege zeıin salyp qaraǵanda bizge sóılep jatqandardy estimeı qalamyz?

---