InfoHub Logo

Baıaǵyda bir kisi qanshama jyl qurylys salasynda qyzmet atqarǵan eken. Zeınet jasyna kelgende bastyǵyna kelip: «Baseke, meniń zeınetke shyǵatyn ýaqytym keldi, ruqsat bolsa men jumystan shyǵaıyn ótinishime qol qoıyp berińiz», — deıdi. Sonda bastyǵy: «Árıne, zeınetke shyǵasyz. Biraq bir shartym bar. Áli salyna qoımaǵan bir úı bar edi, sony salyp, bitirip berseńiz, ruqsat», — dep jaýabyn kelte qaıyrady.

Álgi qarıa amaldyń joǵynan úıdi az kúnde bitirip, úıdiń kiltin bastyǵyna berse, bastyǵy ózine qaıtaryp beredi. Buǵan tań qalǵan aqsaqal: «Baseke, munyńyz qalaı?» — deıdi. Sol kezde bastyǵy: «Aqsaqal, negizi bul sizdiń úıińiz, endi bul úıde ózińiz turasyz», — dep jaýap qaıtarady. Bastyǵynan mundaı jaýapty kútpegen álgi qarıa: «Qap, ózimniń úıim bolatyndyǵyn bilgenimde bar múmkindikti paıdalanyp, záýlim saraı salyp alatyn edim ǵoı», — dep ókinip qaldy.

Osybir mysaldan alatynymyz, bizdiń árbir jasaǵan qulshylyǵymyz, namazymyz, ǵıbadatymyz ózimiz úshin. Erteńgi kúni olardyń jemisin ózimiz kóremiz. Sondyqtan da «Bul dúnıe — ahırettiń egindigi» dep bekerden beker aıtylmasa kerek.

---