InfoHub Logo

Taqyryby: «Qustar bizdiń dosymyz»
Maqsaty: Dıdaktıkalyq oıyndar arqyly balalardyń bilim jáne bilik daǵdylaryn qalyptastyrý, oıyndar arqyly balanyń qyzyǵýshylyǵyn týǵyzý jáne aqyl - oı belsendiligin arttyrý. Saýsaq jattyǵýlary arqyly qol men saýsaq ushtarynyń qımyldaryn damytý
Ádis - tásilderi: Túsindirý, kórsetý, oıyn, saýsaq jattyǵýlary, qustar dybysy
Qajetti quraldar: Grafoproektor, úıshik, qystyrǵysh,

Barysy: grafoproektor arqyly búrkittiń áýelep ushqan sýreti kórsetilip, shańqyldaǵan búrkittiń dybysy estiledi.
Tárbıeshi qaz keıipinde kıinip, balapandaryn (balalardy) búrkitten qorǵap qanatynyń astyna alady.
- Balapandarym, sender jańaǵy shańqyldaǵan qustyń daýsyn estidińder goı, daýysy qandaı qorqynyshty. Balapandarym onyń qandaı qus ekenin bilesińder me?
Ol jyrtqysh qus – búrkit. Ol jyrtqysh bolǵandyqtan ańdardy, qustardy jáne t. b. tyrnaqtarymen búrip ustap tumsyǵymen julyp jeıdi.
Balapandarym sender áli kishkentaısyńdar, men senderge osy kezge deıin kóptegen qustar týraly áńgimelep kelemin. Búgin endi qustar týraly ne biletinderińdi kórý úshin birneshe oıyndar oınaıyq.

Qımyldy oıyn: «Japalaq»
Mazmuny: Tárbıeshi «Kún» dep, ataǵanda japalaq alańnyń bir shetinde uıyqtap jatady. Qońyzdar men kóbelekter (balalar) ushyp júredi. Tárbıeshi «Tún» degende, qońyzdar men kóbelekter sol ornynda qatyp qalady. Japalaq shyǵyp óz jemin izdeıdi. Qońyzdar men kóbelekter arasymen ushady. Egerde qońyzdar ornynan qozǵalyp qalsa, sol qońyzdy ustap alady.
- Balapandarym oıynǵa jaqsy qatystyńdar, qımyldaryń shıraq eken. Jaraısyńdar balapandarym!
Qaz (tárbıeshi) qanatyn jaıyp:
- Balapandarym, meniń sendermen túrli oıyndar oınaǵym kelip tur. Meniń qanatymnyń astyndaǵy ár qaltada ártúrli oıyndar bar. Myna qaltany kóreıikshi, qandaı oıyn bar eken. Maǵan qaltany ashýǵa kómektesińder? (Balalarǵa túımelengen qaltany ashqyzý)

Dıdaktıkalyq oıyn: «Ár qusqa óz orny»
Maqsaty: Ár qustyń ózi mekendeıtin orny týraly túsinik berý, oılaý qabiletterin damytý.
Mazmuny: Úıshik etip daıyndalǵan maket ishinde qustardyń meken etetin sýretteri kórsetilgen, sol sýretke sáıkestendirip, qustar sýretin ornalastyrady.

Saýsaq jattyǵýy: «Qustar qanat qaǵady»
Balalar, barlyǵymyz qolymyzdy úshburyshtap joǵary ustaımyz. Biz qustarǵa uıa salamyz, qus uıadan basyn shyǵaryp jan - jaǵyna qaraıdy.(Qosylǵan alaqandaryn jan - jaqqa burady.) Qustyń ushqysy keldi,(alaqandaryn ashady, alaqandaryn qımyldatady) usha almady, qus ushý úshin qanattaryn jattyqtyrdy. Alaqanymyzdy ózimizge qaratyp jaıyp, ashyp - jumaıyq, bir, eki, úsh, keri qaraı sanaımyz úsh, eki, bir. Endi, basbarmaǵymyzdy qozǵaltaıyq. Alaqanymyzdy ózimizge qaratyp jaıyp, eki basbarmaqty aıqastyramyz. Alaqanymyzdy qus qanatyn qaqqan sekildi qozǵalystar jasaımyz. (Birneshe ret qaıtalaý)

Qustar ushyp barady,
Kókte qanat qaǵady.
Barlyq qustar qosylyp,
Shıq - shıq - dep, án salady
Qus ushyp kelip uıasyna qaıta qondy.( Saýsaqtaryn úshburyshtap joǵary ustaıdy.)

- Jaraısyńdar, balalar sender ár qustyń mekenderin taba bildińder.
Al endi kelesi qapshyqty ashyp kóreıik, onda qandaı qyzyqty oıyn bar eken.
(Zamokty ashyp, «Neniń basy? Neniń aıaǵy?» oıynyn alady)
Dıdaktıkalyq oıyn: «Neniń basy? Neniń aıaǵy?»
Maqsaty: Ár qustardyń dene bóligin saǵat tilshegi arqyly durys taba bilý.
Mazmuny: Dóńgelektengen qaǵaz betindegi qustardyń basy men aıaǵynyń sýretteri boıynsha saǵat tilshegi arqyly sáıkestendiredi. (Búrkit, japalaq, tyrna, torǵaı)

Sergitý sáti: «Shójelerim»
Shójelerim áýenimen bı qımyldary jasaý.

- Balapandarym biz jem jep, sý iship boıymyzdy sergitip aldyq, al endi basqa qustar ne jeıdi eken? Qustardyń nemen qorektenetinderin bilesińder me? (balalar jaýaptary tyńdalady)
Endeshe meniń qanatymnyń astyndaǵy kelesi oıyn «Qustar nemen qorektenedi?» dep atalady.

Dıdaktıkalyq oıyn: «Qaı qus nemen qorektenedi?»
Mazmuny: Dóńgelekshe etip daıyndalǵan qaǵaz betine qustardyń nemen qorektenetinin sýretteri arqyly beınelengen. Qystyrǵyshtyń betine ár túrli qustardyń sýretteri japsyrylǵan. Ár qustyń nemen qorektenetinin taýyp dóńgelekshe boıyna qystyrǵyshty qystyrady.
- Bul oıyn óte keremet qyzyq boldy ıa, balapandarym. Bul oıyn arqyly ártúrli qustardyń nemen qorektenetinin bildik. Al endi qanattarymyzdy shıratyp, shynyqtyryp alaıyq.

Qorytyndy: Balalar sender oıynǵa óte jaqsy qatystyńdar. Meniń búgin kóńil kúıim kóterilip qaldy, qýanyp turmyn. Biz búgin túrli oıyndar oınap, búrkit, torǵaı, tyrna japalaq týraly bilip, olardyń qaıda mekendeıtinin, nemen qorektenetinin jáne olardyń dene múshelerin ajyrata bildik. Endi biz barlyǵymyz qustarǵa qamqor bolyp júreıik. Qustar bizdiń dosymyz.