InfoHub Logo

Sarjala, Quttyǵaı, Shubar úsheýi qurdas eken, olardyń bir-birine degen syılastyǵy, qımastyǵy erekshe bolypty dep el áli kúnge ańyz etedi. Uly otan soǵysynyń ardageri bolǵan marqum Jumaǵalı Aıtbaev degen aýdanymyzda shejireshi qarty boldy, ol kisi osy úsh batyr týraly kóp biletin. Sarjala joryqta júrgende eki uly, áıeli qaıtys bolady, ol habardy úıine jetkizbeı aldynan shyǵyp estirtýdi qurdasy Shubar batyrǵa tapsyrady, sálemdi Sarjala beredi eken. Shubarǵa «Assalaýmaǵalaıkým» dep amandasqanda, qurdasy «atańnyń basy» depti.

«Ne bolyp qaldy» degen saýalǵa:

— Ne bolsyn, Aspanyń aspanǵa ushty, Zembiliń jerge tústi (Aspan, Zembil Sarjalanyń qaıtys bolǵan uldarynyń esimi eken), áıeliń qasyna jatty, — deıdi. Sonda Sarjala:

— Apyr-aı, Janbaıym (enshiles inisi eken) tiri me? — dep suraıdy, «Tiri» degende:

— E, onda boldy, bala-belde, qatyn-jolda degen, — dep aýyr qaıǵyny syr bermeı kóterip júre beripti-mys.

Shubar Quttyǵaıdyń nemere týysy, ári qurdasy, san joryqtarǵa ekeýi talaı birge shyqqan. Quttyǵaı aýyryp jatqanda aqkóńil, bir minezdi Shubar qol jınap kelip sar- bazdaryna Quttyǵaı jatqan úıdi qorshatqyzyp, «Ajaldy kirgizbeńder!» dep kúzettirip qoıypty. Quttyǵaı qaıtys bolǵan soń, «toǵyz uly bar Quttyǵaı ólýge múmkin emes, ol bizdi synaıyn dep jatyr», — dep úsh kún boıy jerleýge ruhsat bermeı qoıypty. Quttyǵaıdyń myń jarym jylqysy bar eken, «sonyń bárin Quttyǵaıdyń qurmandyǵyna shalamyn» dep álek salypty degen ańyz bar. Óziniń jandaı qurdasy, jaýǵa attanǵan talaı joryqtarda bir-birine súıeý bolǵan, ári jaqyn týysy Quttyǵaı qaıtys bolǵanda, syńarynan aıyrylǵan Shubar batyr janyn qoıarǵa jer taba almaı alasuryp kúıinip, shyǵarǵa jany basqa, qatty qınalsa kerek.

Oqýǵa keńes beremiz:

Jalańtós batyr

Elshibek batyr týraly

Berdiqoja (İ nusqa)

---