InfoHub Logo

Sáken Imanasovqa

Syrlasatyn dáýirmenen, ǵasyrmen,
Birge týǵan qudiret jyr — asylmen.
Aqyn Sáken, — ólkemizdiń óreni, —
Quttyqtaımyz kemeldengen jasyńmen!
Elý jasta Sákenimiz — jany izgi,
Alakólde salyp ediń san izdi.
Aqyndyqqa umtylǵan sol uly jol
Talapkerden bastalatyn tárizdi.
Osy jerde jyryń seniń gúl atty,
Júgendediń asaý Pegas — pyraqty.
Ottan ystyq Otan sózi sen úshin
Alakólden bastalatyn sıaqty.
Elý jylda el jańardy, kógerdi,
Kemel jasqa keldiń bıyl sen endi.
Kóterildiń bıikterge alqynbaı,
Artqa tastap talaı asý, beleńdi.
Elý — tal tús, alys áli ekindi,
Jyryń qazir bir bıikke bekindi.
Alakóldik aryndy asaý aqyndyq
Bir ózińnen bastalatyn sekildi.
"Jańa ómirde" qalamyńdy shyndadyń,
Jer tarpydy asaý tulpar — jyrlaryń.
"Adyrnańdy" ala egizdeı móńiretip,
Jyr — sadaǵyn shireı tartyp turǵanyń.
Osylaısha óte bersin asyl kún,
Jarqyraı ber, synyǵy ediń asyldyń.
Elý degen óziń úshin túk emes,
Arqalaıtyn tutas júgin ǵasyrdyń.
Taldyqorǵan oblysy, Alakól aýdandyq

"Jańa ómir" — "Novaıa jızn" gazeti redaksıasynyń kollektıvi.
ÚSHARAL QALASY, 2 MAI 1988 JYL

---