Qıyndyqqa tap boldym dep qam jemeńiz
Qıynshylyq-bizdiń pozıtıvti kóńil-kúıimiz ben jarqyn ómirimizdiń baspaldaǵy ispettes. Ol-boıǵa belgisiz bir kúsh berer bastamaǵa degen ynta-yqalasyńyz, jeńiske jetý jolyndaǵy kishigirim demeý. Sony jeńý arqyly aýyrtpashylyqtarǵa tuspa-tus kelesiz. Qıyndyqtardyń da ómirimizdi mánge toltyrar erekshelikteri bar eken. Endeshe sózime qulaq túrińiz:
Kúrmeýi sheshilmes qıyndyq joq! Eń bastysy-sergeldeńge túsken sátterde jasaǵan is-árektterińiz ben baılamǵa kelýińiz.
Aýyrtpalyqqa tap boldym dep alańdamańyz. Árbir qıyndyqtyń artynda-kútpegen tosynsyı daıar turady. Oıyńyzdy tujyrymdap, qıyndyqty jeńýdiń jolyn izdestirińiz.
"Sabyr túbi-sary altyn" degen. Sabyrlylyq tanytý arqyly kezdese ketken aýyrlyqtyń kiltin tabasyz.
Mánge toly bolashaqtyń bastaý alatynyna senińiz. Ómirińizdi túrli-tústi boıaýlarmen túrlentken baqytty sátińizdi eske alyńyz. Meıli, ol jaqyndaryńyzdyń janynda ótkizgen qyzyqty ýaqyt ne bolmasa ushy-qıyry joq armanyńyzdyń bir belesi bolsyn, jańa ıdeıalaryńyzdy júzege asyrýǵa tyrysyńyz. Árbir erekshe sát-depressıadan qutylýyńyzǵa ózindik septigin tıgizedi.
Birinshi mysal:
Álemdi shytyrman oqıǵalarymen tamsandyrǵan "Robınzon Krýzo" atty týyndymen tanys bolarsyz. Oqıǵada belgisiz bir aralǵa tap bolǵan jannyń qıyndyqtarmen kúreskeni jaıynda baıandalǵan. Keıipkerdiń prototıpi-Aleksandr Sılkırk atty shotlandyq morák. Jazýshy onyń ómirlik tarıhyn negizge ala otyryp, tańǵajaıyp romandy jazǵan. Eger Robınzon Krýzo aralda 28 jyl ǵumyr keshpese, máńgi óshpeıtin izi qalmas edi. Keıipker adam tózgisiz aýyrtpalyqtardyń bárine tótep berip, bolattaı shyńdaldy. Osy arqyly aǵylshyn jazýshysynyń esimi kúlli jurtqa tanyldy.
Ekinshi mysal:
Álemge áıgili jıhankez Hrıstofor Kolýmbtyń Amerıkany ashqany jóninde biri bilse, biri bile bermes. Atlant muhıtyn basyp ótip, Úndistan men Qytaıǵa jol ashpaq bolǵan Kolýmbtyń ekspedısıasyn túrli tosqaýyldar kútip turǵan bolatyn. Al, saıahatshy qıyndyqtan ótip, Amerıkany ashty. Shegi joq muhıttan dál osyndaı ǵajaıyp mekendi ashamyz degen oı bastapqyda qısynsyz kórinse, keıinnen rastyǵyna kóz jetkizildi.
Túıin:bir esik jabylsa, mindetti túrde ekinshi esik ashylady. Qalaǵanymyzǵa jetý jolynda bir baǵalymyzdy joǵaltamyz. Esesine jańa jetistiktermen kezdesemiz. Bul-taǵdyrdyń aınymas sharty. Osyny túsine bilgenimiz jón. . .
Arýjan Samıdın
You Might Also Like
-
2025 jylǵa deıin elimizde 800 jańa mektep salynady. Bul týraly búgin Úkimet otyrysynda QR Bilim jáne ǵylym mınıstri Ashat Aımaǵambetov aıtty.
-
... Qara jerde qyltyńy joq bir elmiz, Ári bıik, ári keńbiz, tereńbiz. Ánimiz bar asqaq jalaý syqyldy, Kóterilse - tik kóterer jurtymdy. Biz dúnıege máńgilikke kelgenbiz.
