Saǵadıev orys mektepterinde oqıtyn 500 myń balany qazaq tilinde sóıletpek
Orys mektepterinde bilim alyp jatqan 500 myń balany qazaq tilinde sóıletetin jańa ádisteme jasaldy. Bul týraly búgin elordadaǵy №80 mektep-gımnazıada ótken alǵashqy qońyraý aıasynda BAQ ókilderine suhbat bergen elimizdiń Bilim jáne ǵylym mınıstri Erlan Saǵadıev aıtty, dep QazAqparat habarlaıdy.
«Barlyqtaryńyz bilesizder, qazirgi ýaqytta jaǵdaıymyz jaman emes. Qazaq balalarynyń 90 paıyzy qazaq tilinde bilim alyp jatyr. Máselen, men oqyǵan ýaqytta Almaty qalasynda 65 mekteptiń bireýi ǵana qazaq tilinde bolatyn. Qazir qazaq balalarynyń 90 paıyzy ana tilinde bilim alýda. Demek shýlasaqta, shýlamasaqta ýaqyttyń ózi keledi», - dedi ol.
Osy rette Erlan Saǵadıev Bilim jáne ǵylym mınıstrligi aıryqsha nazar aýdaratyny orys mektepterinde bilim alyp jatqan 500 myńǵa jýyq balany qazaq tiline úıretý ekendigin basa aıtty.
«Olar 11 jyl oqysa da qazaq tilinde sóılemeıdi, ádisteme nashar. Biz ony túsinip otyrmyz. Jańa ádisteme daıyn. İlki joba retinde myńnan astam mektepke engizgeli otyr. Ol kommýnıkatıvtik tehnologıa, sózdik qory mınımým bolyp jasalǵan. İlki joba óz nátıjesin beretin bolsa, kelesi jyly mektepterge engizetin bolamyz», - dedi mınıstr.
You Might Also Like
-
QR Úkimetiniń qaýlysymen Ashat Aımaǵambetov Elmıra Sýhanberdıevanyń ýaqytsha demalysqa ketýine baılanysty Qazaqstan Respýblıkasy Bilim jáne ǵylym vıse-mınıstri qyzmetine ýaqytsha taǵaıyndaldy, dep h...
-
Bilim jáne ǵylym mınıstrliginiń byltyrdan beri aıtyp kele jatqan jańalyq - mektepterde 5 kúndik oqý aptasyn engizý máselesine qatysty ata-analardyń kóptegen saýaldary bar. QR BǴM 5 kúndik oqý aptas...
