InfoHub Logo

Kishkentaı Saltandy aǵasy Asan janyndaı jaqsy qórip, ony «sary altynym», «sary balapanym» deıdi.

— Sary altynym-aý, mynaý oıynshyqtaryń ár jerde shashylyp jatyr, muny jınap qoıý kerek qoı, — dep aqkóńil aǵasy onyń oıynshyqtaryn jınady.

— Kóke, jınaı salyńyz, — dep «sary altyny» buıyra sóıledi.

— Saltan-aý, salaq bolma, janym...

— Kóke, «salaq» degen ne sóz, á?

— Halyq «Olaqtan salaq jaman» deıdi. Óz isińdi istemeı, erinseń, «Saltan salaq» dep, jurt seni jek kóredi.

— Kóke, men salaq bolmaımyn. Oıynshyqtarymdy erteń jınaımyn, sodan soń edendi jaqsylap sypyryp qoıam, ıá ma?

— Uqypty bala búgingi isin erteńge qaldyrmaıdy. Mynaý oıynshyqtaryń shashylyp jatqan bólmeń qoqsyqtyń qoımasy sıaqty bolyp ketti, — dedi kókesiniń qalyń qasty qabaǵy túıilip.

— Kóke, onda maqul, úı ishin qazir-aq jınaımyn, — dep Saltan qobyrap jatqan edendi jınastyra bastady.

— Sanasyz bala salaq bolady. Sen sanasyz emessiń ǵoı, — dedi aǵasy.

— Kóke, men endi salaq bolmaımyn, — dep, Saltan oıynshyqtaryn ornyna qoıyp, edendi súrte bastady.

— Sary altynym, mine, osylaı salaq bolma, sanaly bol, — dep kókesi kóńildenip qaldy.

«Saltan — salaq» degen jamanattan saqtasyn» dep inisi oılanyp otyr.

---