InfoHub Logo

— Kózińizge qıqym tússe joǵary kirpigińizdi jaılap kóterińiz de, kózińizdi ońǵa­solǵa, joǵaryǵa ­tómenge buryńyz. Kóz jasyńyz qıqymdy shyǵarýǵa jetpese, jasandy kóz jasyn ne taza fızıologıalyq ertindini paıdalanyńyz. Keıbireýler kózdiń joǵary qabaǵyn syrtqa aınal­dyrady. Keıde osynyń ózi­-aq kómektesedi.

— Eger sol amaldar kómektespese ne olar ózińizge unamasa, kózińizdi shaıyp jiberińiz. Qolyńyzdy jaq­sylap jýyp, alaqanyńyzǵa jyly sý toltyryp alyp, oǵan jabyq kózińizdi malyńyz da, sý astynda ashyńyz, barlyq artyq nárse sonda shaıylyp ketedi.

— Kózińiz ashysa oramaldy sýyq sýǵa malyp alyp, mazalaýdan arylǵansha kózińizdi jabyńyz. Kózińiz qy­zaryp, alergıadan qyshysa bul amal óte tıimdi. Sýyq qan tamyrlaryn taryltady, al sý kózge qajet ylǵalmen qamtamasyz etedi.

— Shaı salynǵan qaltashany sýyq sýǵa batyryp alyp, jabyq kózińizge 15 mınýt basyńyz.

— Kózińiz qurǵap ketse, aýany ylǵaldandyratyn qural­dy qosyńyz. Ásirese ýaqytyńyz kóp ótetin bólmede.

— Kózińizdiń syrty ylǵı qurǵaq bolyp, ashı berse, ja­sandy kóz jasyn paıdalanyńyz. Konservanty joǵyn alyńyz.

— Jetkilikti uıqtamasańyz, kózińiz qurǵap, qyzaryp ketýi ábden múmkin.

— Kózińiz qurǵap ketse kúnde banan jeńiz. Ol denede sý soratyn natrııdi teńestiredi.

— Talqanǵa ne jemis shyrynyna bir as qasyq zyǵyr maı­yn qosyńyz. Ol omega­ 3 maıly qyshqylyna baı. Kóz jasy­myzda sý men tuzdan basqa, shyrysh pen maı bolady. Ome­ga ­3 solarǵa baı. Jańǵaq, sýyq sýda ósetin balyq solarǵa baı.

— Kóz qurǵaı bastasa, qabyldaǵan dárińizdiń janama áseri bolýy ábden yqtımal. Teksertińiz.

— Shań­tozańnan qutylǵyńyz kelgende qorǵanystyq konservi-kózildirik kıińiz.

— Hlorly sýy bar baseınge tússeńiz, sý ótkizbeıtin kózildirik kıińiz.

— Jylytý júıesiniń iske qosylýynan kóz qabyrshyǵynyń qorǵanysh qabatyndaǵy suıyqtyq býǵa aınalyp ketedi. Sondyqtan ara-arasynda dalaǵa shyǵyp, kún jylynsa bólmeni jeldetip turǵan durys.

— Kitapty jatyp oqymańyz, ol kezde kózdiń bulshyqetine kóp salmaq túsedi, al bul óz kezeginde kózdiń alystaǵy zattardy nashar kórýine ákelip soǵady.

— Kún kózinen qorǵaıtyn kózildirikter qysta da qajet. Qarǵa shaǵylysqan kún sáýlesi eki ese qaýipti, jáne kózdiń qabyrshyǵyn kúıdirip jiberýi de múmkin.

— Kúnde serýendeýge tyrysyńyz. Zertteýler nátıjesinde alystan nashar kóretin adamdardyń barlyǵy derlik únemi úıden shyqpaıtyn jandar boldy.

— Shylym shegý tek ókpege ǵana zıan emes, sonymen birge kóz uıasyndaǵy sary daqtardyń degenerasıalaný qaýpine ushyratady, osy sebepten kózdiń kórý qabileti múlde nasharlaýy múmkin.

Oqýǵa keńes beremiz:

Úı jaǵdaıynda kóz astyndaǵy qara daqty ketirýdiń 10 tásili

Kózge arnalǵan ıoga: kózińizdiń qyraǵylyǵyn arttyratyn 8 qarapaıym jattyǵý

Teledıdardyń kózge zıandary

Kóz lınzasymen uıyqtaý qaýipti me?

Balanyń kóz janaryna qatysty ata-ananyń 5 qatesi

Kózge arnalǵan jattyǵýlar

Qurǵaq kóz sındromy

Kóz jaraqattary

Durys tamaqtaný kóz saýlyǵyna sep

---