InfoHub Logo

Kez kelgen memlekettiń bolashaǵy bilimdi jastar. Búgingi jas – bolashaq Qazaqstannyń jandy beınesi. Búgingi jas – erteńgi el tizginin ustaıtyn tulǵa.

Búgingi aldyńǵy tolqyn aǵa býynnyń ornyn basar, izin jalǵastyrar artynda ósip kele jatqan jastar ekeni daýsyz. Elimizdiń endigi damýy men órkendeýi, keleshegi jastarǵa tikeleı baılanysty.

Aqyn, pedagog M.Jumabaev aıtpaqshy myna qoǵam «Arystandaı aıbatty, jolbarystaı qaıratty, qyrandaı kúshti qanatty» jalyndaǵan jastarǵa ıek artady, solarǵa senedi. Elimizdiń ósip órkendeýi úshin, jas mamandardyń oıynyń ushqyrlyǵy, tyń ıdeıalary óte mańyzdy. Qandaı mamandyq ıesi bolsa da, óz isterine jaýapkershilikpen qaraǵan adamnyń, jeter jetistigi de óte kóp bolmaq. 2019 jyl «Jastar» jyly bolyp bekitildi. Iaǵnı bul degenimiz, jastarǵa degen senimdilik pen olarǵa qoldaý kórsetýdi belgisi. Bolashaǵynyń jarqyn bolyp, oılaǵan armanyn iske asyryp, aldyna tyń jospar qoıa bilgen ár jas maman býynǵa osy jyl taptyrmas múmkindikterdiń biri bolady.

 «Urpaǵy bilimdi halyqtyń bolashaǵy bulyńǵyr bolmaıdy» degendeı, jas urpaqqa mán-maǵynaly, ónegeli tárbıe men bilim berý – búgingi kúnniń basty talaby. Qaısar rýh pen qara kúshti qarý etip, erkindik úshin kúresken babalarymyzdyń erlik jolyndaǵy kúresi búgingi tańda aıbyny aspan tiregen táýelsizdik tuǵyryn bıiktetti.

Biz – jastar táýelsizdik jastarmyz! Jas, jasampaz eldiń ulanymyz. Búginde jastar shyńdalyp damýǵa, óz isin ashyp, ózin-ózi damytýymen, sport, ǵylym, shyǵarmashylyqpen jáne basqa da qyzmet túrlerimen aınalysýǵa tolyq múmkindikteri bar. Qazirgi tańda jańa kózqaraspen qaraıtyn jalyndy jastar elimizdiń jańarý úderisterine belsene qatysyp keledi. Alysqa qol sermep, álemdik deńgeıdegi ustanymdy ıgerip, keleshektiń kiltin óz qoldaryna alýda.

Búgingi jastardyń qoǵamdyq ómirden esh ýaqyt qol úzbeı, óz elin súıýge, salt-dástúr men ádet-ǵurpyn bilýge tárbıeleýge búgingi pedagogıka ǵylymdarynyń aldynda turǵan zor mindetterdiń biri. Qaı ǵasyrda bolsyn ult ómirin órkendetýshi sanaly da salaýatty, ultjandy, rýhy bıik parasatty urpaqty tárbıeleý – qoǵam aldyndaǵy basty mindetterdiń biri.

Endigi kezekte tárbıe mazmuny men jastardy tárbıeleý isi olardyń dúnıetanymyn qalyptastyrý jáne aqparattyq-saıası mádenıetin kóterýge basa kóńil aýdarýǵa tıispiz. Árbir qazaq jastary ózderin ultjandymyn dep uǵynyp, ón boılarynda ulttyq namysyn joǵary qoıý kerek. Elimizdiń beıbit aspanynda qazaq jastary táýelsiz eldiń aıqyn maqsattarymen jigerlenip, tek qana alǵa umtylýǵa jumys jasaımyz. El senimin, úmitin aqtaý – jastardyń qolynda.

Elbasymyzdyń Halyqqa Joldaýynda: Bizdiń urpaq aldynda babalar qol jetkizgen ıgilikti saqtaý, qaıta qalpyna keltirilgen memleketimizdi nyǵaıtý jáne dúnıejúzilik qaýymdastyq talaptaryna saı jańa sapalyq deńgeıge kóterilý mindeti tur,-dep , jastarǵa zor senim men úmit artyp otyr. Sol senimdi aqtap, bolashaǵymyzdy jarqyn qylaıyq.

Qoryta kele, qazirgi kezde «Jastar-elimizdiń jarqyn bolashaǵy» degen qanatty sózderdi jıi aıtamyz, al sol jastardyń  bolashaǵy, Otanymyzdyń erteńgi taǵdyry bolsa,  soǵan dáneker ózimizdiń búgingi qyzmetimizdiń qalaı atqarylyp jatqany, qoǵamǵa qandaı úles qosyp júrgenimizge tikeleı baılanysty.  Mine, «Sanaly urpaq-jarqyn bolashaq» taqyrybyndaǵy oıtúıindi jalpy el jastaryna baǵyttaımyn! Jas kúsh, jas tolqyn bolyp tolqyp, ana tilinde saırap, ózge tildi meńgerý arqyly bolashaq eldiń kemel keleshegin bıikterden kórýge úles qosaıyq, sanaly urpaq...!

---