InfoHub Logo

Jalpylama fılmder kórkem-óner týyndysy, tabys kózi bolýmen qatar qoǵamǵa birdeńeler túsindirý, oı-pikir jetkizý maqsatynda jasalýda. Ulttyq sanada daıyndalǵan otandyq fılmder arqyly jastardyń bilim-tanymyn, ádet-ǵurpyn, jaqsy men jaman uǵymyn túsindirýge, máselen tarıhı fılmder arqyly jastarǵa otanǵa degen mahabbatty, ulttyq qundylyqtardy dáripteýge bolady. Al batystyq fılmderden kóbinese arsyzdyqty, jalańash kıinýdi, temeki shegip, araq ishý, nasha shegýdi, gomoseksýaldy bolýdy, ózgeniń jubaıyna qyryndaýdy, ajyrasýdy qalypty etip kórsetetinderi kóp. Soǵan eliktegen keıbir otandyq fılmder ulttyq qundylyqtardy keri tartpa, al batystyq azǵyndyqtardy ilgerilik dep kórsetetinderi de bar. Bular árıne jastardyń oı-sanasyna áser etpeı qoımasy anyq. Máselen azýly fılmderdegi qate pikirlerdi sińirip ósken jastar durys nárselerge qarsy shyǵyp, burys nárselerdi qoldaıtyn bolýy múmkin. Osy turǵydan kınoındýstrıa óte mańyzdy qural. Jaryq jyldamdyǵyndaı qarqynmen kúnnen kúnge kóbeıip qoǵamǵa usynylyp jatqan sheteldik fılmder súzgiden ótpeıtin bolsa, ulttyq qundylyqtarymyzdy dáripteıtin otandyq fılmderge den qoıylmasa halimiz neǵaıbyl. Qazaq handyǵynyń 550 jyldyǵyna oraı tarıhı birshama kınolar jaryq kórdi. Jas-kárimiz osylardy tilge tıek etip, eńselerimiz kóterilip qaldy. Osyny jalǵaı túsirýge bolatyn dastandarymyz, tarıhı tulǵalarymyz handarymyz, batyrlarymyz jetip jatyr. Qoryta aıtqanda osy saladaǵy aǵa-ápkelerimiz osy máselege de jaqsyraq den qoısa deımiz. Osyndaı mádenı qazynalarymyzdy ashatyn, jastardyń ulttyq rýhyn kóteretin kórsetilimder kóp bolǵaı.

---