InfoHub Logo

Jumys isteý adamnyń tabıǵı qajettilikteriniń biri. Adamnyń qalypty fýnksıalaryn oryndaı alýy úshin aýaǵa, sýǵa, tamaqqa, dostyqqa qajettiligi bolǵany sıaqty, jumys isteýge de qajettiligi bar. Alaıda isteletin jumys qanaǵattandyrarlyqtaı bolmasa, ish pystyratyn, birqalypty jáne júıesiz, josparsyz túrde istelse, az ýaqytqa kóp jumys júktelinse adamnyń jalyǵyp, mezi bolýyna jáne jumysqa degen yntasynyń azaıýyna alyp keledi. Josparly, júıeli túrde jumys isteý jalyqtyrmaıdy. Sondaı-aq ýaqytty da eń tıimdi, únemdi túrde paıdalanýǵa sebep bolady.

Amerıkanyń tuńǵysh prezıdenti Dj.Vashıngtonnyń hatshysy bir kúni saǵatynyń artta qalyp qalýynan jumysqa keshikkendigin aıtyp, keshirim suraıdy. Sonda Vashıngton: «Olaı bolsa, sen jańa saǵat alasyń, al men jańa hatshy...» degen eken.

AQSH-tyń burynǵy prezıdentteriniń biri Lınkoln, bala kúninde bir sharýanyń qolynda mal baǵýshy bolyp istep júrip maldyń kóleńkelep jatatyn ýaǵynda kitap oqyp keıbir synyptardy syrttaı bitirgen, keıinirek dúkende satýshy bolyp istegeninde alýshy joq kezderde kitap, sabaq oqyp mektepti solaı bitirgen, odan soń huqyq fakúltetine túsip, ony bitirgen soń “baro” emtıhanynan ótip advoktat bolǵan. Osylaı júıeli, josparly áreketiniń arqasynda Prezıdenttikke deıin kóterilgen eken.  

Jumystary josparly, baǵdarly bolmaǵan jáne ornymen demalýdy, ári ózin jetildirip otyrýdy bilmegen adamnyń, jetistikti bolýy múmkin emes. Tek jumysqa berilgen adamdarǵa jumysjandy (trýdogolık) delinedi jáne mundaılar jumyspen jatyp, jumyspen turady. Bos qalý qanshalyqty zıandy bolsa, munshalyqty aýyr bappen jumys isteý de sondaı zıandy. Ózin de, jumysyn da az ýaqytta toqyraýǵa jetkizedi. Mundaı adamdar ýaqytpen jarysýda. Alaıda bularda joǵary qysym, júrek talmasy, asqazan jarasy, mıgren sıaqty aýrýlar jıi kezdesedi jáne jumystyń sáttiligi de ýaqyt óte kele azaıady.

Jasalǵan bir zertteýde aptasyna 80 saǵat jumys isteıtinderdiń 70%-ynyń erte jasta júrek talmasyna ushyraıtyndyǵy anyqtalǵan. Bulaı jumys isteıtinder kóbinese jumystarynyń tyǵyzdyǵyn aıtyp ashynady. Alaıda qysylyp turǵan jumysy emes, jumysqa batyp qalǵan adamnyń tek ózi, odan da durysy júregi.

Osy turǵydan da árbir isker adamnyń ýaqytyn josparlaýy, júıege keltirýi ózindik, januıalyq tipti qoǵamdyq turǵydan qaraǵanda da mańyzy óte joǵary is.

Oqýǵa keńes beremiz: 

Stress sabaǵy

Profesordan taǵy bir stress sabaǵy

Adam qashan baqytty bolady?

---