InfoHub Logo

Saqaltaı — bizdiń eń iri jyrtqysh qustarymyzdyń biri (qanattarynyń qulashy 3 metrge deıin, salmaǵy 7-10 kg) basqa iri jyrtqysh qustardan qanatynyń ushynda saýsaq sıaqty tarbıǵan qaýyrsyndary bar jalpaq qanatymen, uzyn syna tárizdi quıryǵymen erekshelenedi. Eresek qus aqshyl tústi jáne basynyń eki shetindegi qara qaýyrsyndaryn alystan kórýge bolady, osynysy úshin «saqaltaı» dep atalǵan. Basqa jyrtqysh qustar sıaqty, saqaltaı da jıi qalyqtaıdy. Osy ushqan qusqa jaqyn jerde bolsańyz, onyń qanattarynyń qaýyrsyndary ereshke shý shyǵarady. Bul qus týraly neshetúrli ańyz bar. Sonyń biri — ol tik quzdan ir tuıaqty qaǵyp qulatyp, sonan keıin qúl-talqany shyqqan óleksemen qorektenedi. Jáne de ol qozylardy urlaıdy deıdi, sondyqtan ony «qozy qumaı» dep te ataıdy. Biraq osy ádemi ańyzdyń eshqaısysynyń da is júzinde dáleli joq.

Saqaltaı eń bıik taýdy mekendeıdi. Qazaqstanda Jońǵar Alataýy men Tán-SHan, Alpi beldeýinde tirshilik etedi. Uıasyn qol jetpes quzdarǵa salady. Bir shubar jumyrtqasyn analyǵy men atalyǵy kezektesip, eki aıda basyp shyǵarady. Sodan keıin uıada 4 aı balapanyn asyraıdy. Saqaltaı — óte sırek kezdesetin qus. Qyzyl kitaptyń bar túriniń tizimine engizilgen.

Oqýǵa keńes beremiz:

Itelgi

Qustar qanshalyqty aqyldy?

Qalaqaılyq (biztumsyq shóje)

Qustar áleminiń bıtbokseri - Lıraquıryq(Vıdeo)

---