InfoHub Logo

«Sársenkúl apaı». Bul Qursaı aýylynyń úlkeni de, kishisine de jaqsy tanys altyn esim. Óıtkeni, Sársenkúl Jumaqova osyndaǵy «Qursaı» segizjyldyq mektebinde muǵalim bolyp jumys istegen. Óziniń tynbaı izdenýimen, jumysty bar ynta-jigermen atqarýymen oqýshylardyń da, áriptes muǵalimderdiń de iltıpatyna bólengen qurmetti ustaz.

Sársenkúl ájemizdiń ustazdyq etkenine 33 jyl boldy. Ol jyldarda onyń qolynan qanshalyqty jas túlep ushyp, eseli eńbegimen, ǵylymdaǵy tabystarymen elge tanylǵan azamat shyqty. Olardyń arasynda Sársenkúl apaılarynyń jolyn qýyp, ustaz bolǵandary qanshama. Tipti apaılaryna eliktep fızıka ǵylymynyń sońyna túskenderi, bul jolda edáýir tabystardy enshilep otyrǵandary da bar.

— Qazirgi ǵylymı-tehnıkalyq progres zamanynda, deıdi baıyrǵy ustaz, — fızıka ǵylymynyń aldynda qoıylyp otyrǵan talaptar aýqymdy da kúrdeli. Sondyqtan ol kún sanap qaryshty qadammen ósýde. Onyń tabystarynan, ǵylymda bolyp jatqan jańalyqtardan qol úzip qaldyń-aq jumysyńnan mán bermeı mán ketti deı ber. Óıtkeni, keshegi bilgeniń búginge ólshem emes. Oqýshylardy tek mektep baǵdarlamasymen ǵana shek qoımaı, olarǵa bul óskeleń de óresi bıik ǵylymnyń qazirgisi, keleshegi jaıly keń maǵlumat berip otyrý kerek. Sonda ǵana oqýshylar seniń sabaǵyńa zeıin qoıyp, qyzyǵa izdenetin bolady.

Iá, bul Sársenkul Jumaqova ájemizdiń sonaý ustazdyqty murat tutqan alǵashqy jyldradan-aq berik ustanǵan dástúri. Osy dástúrge berik ol otyz úsh jyldyń ishinde ózi oqytqan balalardyń sanasyna blim nárin quıýdan esh jalyqqan emes. Oǵan tán qasıetterdińeń bastysy — eńbeksúıgishtik. Sársenkúl ájemiz sonaý stýdent keziniń ózinde izdenishtigimen, eńbeksúıgishtigimen kózge túsken bolatyn. Ol Shymkent pedagogıka ınstıtýtynda oqyp júrgen kezinde talaı ǵylymı baıandamalar jasap, qurbylarynyń kózine tústi. Aýyl sharýashylyǵy jumystarynda belsendi jumys istegeni úshin Qazaq SSR Joǵary Sovetiniń Qurmet gramotasymen nagradtaldy, SSR Halyq Sharýashylyǵy Jetistikteri Kórmesiniń medalin aldy.

Ol ustaz bolyp eńbek etken jyldarda da talaı nagradalarǵa ıe boldy. Onyń jasaǵan baıandamalary san ret aýdanadyq, oblystyq pedagogıkalyq oqýlarda joǵary baǵa aldy. Bul úshin ol aýdandyq, oblystyq oqý bólimderiniń gramotalarymen birneshe ret nagradtaldy.

Óz mamandyǵyna baılanysty talmaı izdenimen birge Sársenkúl apaı qoǵamdyq jumystarǵa da belsene aralasady. Otyz jyldan beri KPSS múshesi Sársenkúl Jumaqova sol jyldarda bárine naǵyz komýnıske tán qasıetpen partıa saıasatyn nasıhattaýǵa úlesin qosyp keldi. Nasıhatshy retinde ol atqarǵan jumystar, bul oraıda onyń osy kúnge deıin qol jetkizgen tabystary óz aldyńa áńgime etýge turarlyq.

Ásel Rysbekova

---