InfoHub Logo

Jolbarys tasada tyǵylyp jemtigin kútip jatty. Jyldam júgirip kele jatqan sileýsindi kórdi.

— Neden qaldyń, qaıda bara jatsyń? — dedi.

Sileýsin sál demalyp jan-jaǵyna qarap:

— Meni arystan qýyp keledi. Sen de jem bolarsyń, qash! — dedi. Muny estigen jolbarys ta sileýsinmen qabattasa qashyp kele jatyp, túıequsqa kezikti. Ol:

— Kimnen qashyp kelesińder? — dedi túıequs.

— Arystan ash eken, ańnyń bárin qýyp keledi — dedi olar. Bularǵa senip túıequs qarasyn kórsetpeı ketti. Aldynan basy qazandaı aqyryp arystan shyǵa keldi. Ol:

— Sender nege atsha shaýyp kelesińder? — dedi. Qoryqqannan eshqaısysy úndemedi.

— Areke!, bular sizden qashyp keledi — dep túlki mazaq etti.

— Men senderdi qýyp kele jatqanym joq, ózim pilden qashyp júrmin, — dep arystan arsyldap bir kúlip aldy. Ańdar túsinbeı ań-tań. Aq shańdy burqyratyp pil kelip jetti. Tumsyǵyn laqtyryp, jerdi tepkilep, shyńǵyrdy. Taldy tamyrymen julyp, laqtyrdy. Pilge jaqyndaýǵa qorqyp, bári jınalyp kerikti jiberdi. Boıyn kerip, ótkir kózimen qarap, jalyn tarap, moınyn buryp, tilimen japyraq jalap, pilge qarap:

— Sizdiń bir jerińiz aýyrdy ma? — dedi.

Pil:

— Men sý iship turyp bir tyshqandy kórdim. Ol meniń qulaǵyma kirdi.

Pil taǵy shý shyǵardy. Sol kezde kishkentaı tyshqan pildiń qulaǵynan atyp shyqty. Kúni boıy bir-birinen qashyp, sharshaǵan jolbarys, sileýsin, arystan, túıequs ashýy kep, tyshqandy qýa jóneldi. Al tyshqan bolsa sol jerdegi bir inge kirip ketti.

Berik Altynaı Aıbekqyzy

---