InfoHub Logo

Erte zamanda bir tasbaqa bolypty. Ol arqasyndaǵy aýyr júgin arqalap, ómiri beınetpen ótip keledi eken. Birde alys sapardan ábden sharshap, shóldep kele jatqan bir jolaýshyǵa kez bolypty. "Eı, jolaýshy! Qaıdan kelesiń?" — deıdi. Jolaýshy jaýap berýge shamasy kelmeı, aǵash túbinde júrelep otyryp, uıyqtap ketedi. Oıana kele aldynda bir úzim nan men bir kese sý turǵanyn kóredi. Jan-jaǵyna jaltaqtap qarap edi, eshkim kórinbedi. "Meniń jaǵdaıymdy jasaǵan kim eken?" — dep tańǵaldy. Sol kezde tasbaqa:

— Shóliń qanyp, qarnyńa as bardy ma? — dep suraıdy.

— Tasbaqa, raqmet! Bul jaqsylyǵyńdy qalaı qaıtarsam eken? — deıdi jolaýshy.

Sonda tasbaqa:

— Myna jerde bulaq bar. Sol bulaqtyń kózi bitelip, túbi tartylyp, jaǵdaıymyzdy qıyndatyp jiberdi. Qumnyń arasyndaǵy jumyrtqadaǵy balalarymnyń ónip shyǵatyn kezi jaqyndady. Ne isterimdi bilmeı otyrmyn, — dep tasbaqa kóleńkege tyǵyldy. Jolaýshy kúni-túni bulaqty qazyp, kózin ashyp, bulaqtan móldir sý aspanǵa atqylap, teńiz sýǵa tolady.

Tasbaqa alǵysyn bildirip:

— Eı jolaýshy, ekeýimizdiń bul ómirdegi kórer beınetimiz ben qýanyshymyz birdeı. Men ómir boıy arqamdaǵy aýyr tasty arqalap kelemin. Ol meniń qysy-jazy baspanam, balalarymnyń ósip-ónýine jaǵdaı jasaımyn. Sen de urpaǵyń úshin úı salyp, tapqanyńdy arqalap, ósip-ónip kelesiń, taǵdyrymyz uqsas, — deıdi.

Aıdynnyń sýyna shomylyp, olar rahattanady. Sý iship, tabıǵat jasyl jelekke aınaldy. Jolaýshy tabıǵattyń ásem sulýlyǵyna tamsana qarap, qamqor bolǵanyna qýandy.

Berik Altynaı Aıbekqyzy

---