InfoHub Logo

Saýsaqtaǵy órnekterdi zertteıtin arnaıy ǵylym dermatoglıfıka dep atalady. Ǵylym saýsaǵyńyzdaǵy sýretterdiń minezińizben jáne ádebińizben qandaı baılanysy bar ekenin túsindirýge kómektesedi. 

Ózińiz jaıly qyzyqty málimetterdi bilýińiz úshin Bilim-all.kz osy ǵylym salasyndaǵy keıbir qupıalardy ashyp berýdi jón kórdi.

İlmek tárizdi sýret – eýropalyqtardyń basym bóliginiń saýsaǵynda bar. Bul sýret adamnyń salmaqty ári baıypty minezi bar ekenin kórsetedi. Mundaı adamdar syn saǵatta beı-jaı qaraı almaıtyn, dostar qataryn tez kóbeıtetinderdiń sanatynda. Olardyń jaýapkershiligi bar, barar jerge eshqashan keshikpeıdi, alaıda bastamashyl qasıeti joq.

Mundaı adamdar jańa sezimder men málimetterdi negizinde basqa adamdarmen baılanysqa túsý arqyly alady. Olardyń emosıasyn oqyp qoıý ońaı, sebebi olar ashyq adamdar. Densaýlyqtary da jaqsy, tipti jaqsy damyǵan bolady. Alaıda olar bala kezde kóp aýyratyn bolǵan. İlmek sýretti adamdardyń minez-qulqy – sangvınık. Jalyqtyratyn jáne jalǵyz ilikti jumystan bezedi. Eger ilmek sýret barlyq saýsaǵynda bolsa, bul onyń qıalynyń asa damyǵanyn, keıde tipti ómir shyndyǵyna janaspaıtyn oılardy kóp oılaıtynyn kórsetedi. Mundaı adamdar jaıly «Qoıdaı qońyr, Qozydaı momyn» degen maqal bar.

Saýsaǵynda osyndaı sýreti bar adamdardyń árqashan energıasy tasyp turady, olar ózine senimdi. Senimdilik bar qasıetinen kórinedi: eńsesin tik ustaýy, júrisi, tártibi, ym-ısharasy. Olardy bir alǵan betinen qaıtarý múmkin emes, qateleskenin de moıyndatý ońaıǵa soqpaıdy, olar ár jasaǵan sheshimin sońyna deıin durys dep dáleldeýden sharshamaıdy. Naqty oılaý júıesi bar. Qorshaǵan keńistiktegi ózgeristerge beıimdelý máselesinde mundaı adamdar tyǵyryqqa kóp tireledi jáne aınalasyndaǵy adamdardyń pikirine moıynsynýdy bilmeıdi. Bar oı-órisi qarapaıym áreketterden týyndap otyrady. Alaıda alǵa qoıylǵan tapsyrmany oryndaý úshin ózge adamdardyń kómegine júginýdi ádetke aınaldyrǵan.

Saýsaq izinde ıin sýreti bar adam – holerık. Shyǵarmashylyqty súıedi. Ym-ısharasy anyq, ártistikindeı bolady.

Qıyn sátterde ol kóringen ispen aınalysa jónelip, osylaısha óz nazaryn basqaǵa aýdarýǵa beıim. Qarym-qatynasta erekshe bıazylyqty sýqany súımeıdi, degenmen óte adal dos ári eshqashan satyp ketpeıdi.

Saýsaǵynda ırek syzyqtary bar adamdar ashýshań keledi, qaıtymy tez adam. Shyǵarmashylyq daryny bar, qabyldaýy jaqsy, tez úırenedi jáne kez kelgen oqıǵany saraptap otyrady. Birneshe isti qatar bastap, orta jolda tastap ketedi jáne qyzyǵýshylyǵy joǵalady. Psıhıkasy tez qozǵysh, turaqsyz. Kóńil-kúıin tap basyp aıtý qıyn, óz sezimderi men ýaıym-qaıǵysyn ishke jasyrady. Jalǵyz bolýǵa jáne óz-ózine esep berýge qumar. Kóp jaǵdaıda ózine kóńili tolmaıdy, kúmáni kóp adam. Negizinde sezim ishki oıdan týady, al málimetti jazbasha hattar derekterinen alady.   

Irek syzyqtary bar adamnyń temperamenti – flegmatık. Sóılegen sózi anyq emes, jaı ári baıaý shyǵady. Sol nemese oń qoldaryndaǵy suq saýsaqta ırek bolsa, onda mundaı adam týa bitti oıshyl. Baǵdarlamalaýǵa, zańgerlik iske jáne ǵylymı jumystarǵa beıimi bar.

Jalpy qorytyndy jasaıtyn bolsaq, saýsaǵynda ırek sýreti bar adamdardyń minezi aýyr, qolynan ne keletinin bile bermeıtin adam.

Derekkóz: uglion.ru

---