InfoHub Logo

Memlekettik jastar saıasaty – bul jastardy qoldaý maqsatynda memleket júzege asyratyn keshendi sharalar júıesi. Bilim berý salasy mańyzdylyǵy men tıimdiligi jaǵynan memlekettiń osy qyzmetiniń basym baǵyty bolyp tabylady. Ony úzdiksiz jetildirýdiń arqasynda qoǵamnyń strategıalyq resýrsy retinde jastardy damytýǵa bolady. «Qazaqstan-2050» Strategıasynda jastar Qazaqstan memleketi damýynyń jańa saıası-ekonomıkalyq baǵytynyń qozǵaýshy kúshi deporyndy ataldy.

Jastardyń qoǵamdyq-saıası belsendiligi búgingi tańda memleketti, azamattyq qoǵamdy, quqyqtyq memleketti damytýdaǵy, saıası júıeniń serpini men turaqtylyǵyn qamtamasyz etýdegi mańyzdy baǵyttardyń biri bolyp tabylady. Qoǵamdyq-saıası jáne áleýmettik-ekonomıkalyq qaıta qurýlar jastardyń osy prosesterge tikeleı aralasý qajettiligin obektıvti túrde talap etedi.

Osy maqsatta, 2023 jyly 3-4 naýryz aralyǵynda  Atyraýdaǵy H.Dosmuhamedov atyndaǵy Atyraý ýnıversıtetinde elimizdegi barlyq  joǵary oqý oryndary stýdentteriniń qatysýymen «SENİŃ SÁTİŃ» Respýblıkalyq stýdentter forýmy boldy.

Forýmnyń basty mindeti – elimizdegi jastardyń yntymaǵyn arttyryp, olardyń sanasynda jańasha oılaý daǵdylaryn qalypastyra otyryp, ýnıversıtet jastary arasynda dostyq qarym-qatynas ornatý.  

Oǵan elimizdiń 52 joǵarǵy oqý ornynan 200-ge jýyq belsendi stýdent qatysty. Qazirgideı damyǵan zamanda  jastardyń dúnıe tanymy, talap-talǵamy ózindik bir erekshelenedi. Olardy zaman aǵymyna saı tárbıeleý -qoǵamnyń basty mindeti desek artyq aıtqanymyz emes. Bul forýmǵa jınalǵandar oqý ordasynyń, óz ortasynyń belsendi jastary, erteńgi qoǵamdy bastaýshy kóshbasshylar desek artyq aıtqanymyz emes. Jastardyń bolashaqqa degen talpynysy men tyń ıdeıalaryn qoldaý maqsatynda, mınıstrlik janynan stýdentter keńesi qurylǵan bolatyn. Halel Dosmuhammedov atyndaǵy Atyraý ýnıversıtetinde ótken forýmda bas qosyp otyrǵan sol keńestiń músheleri. Belsendi stýdentter 2 kún boıy oı bólisip, usynys tilekterin ortaǵa saldy.

Forým barysynda kóptegen trenıńter, konserttik baǵdarlama, dástúrli ónerimiz sadaq atý ónerinen sheberlik saǵaty ótkizilip, joǵary oqý oryndarynyń qabyrǵasynda júrgiziletin jobalar tanystyrlymy boldy.

Sonymen birge, jastardyń belgili bir taqyrypqa ózindik pikirleri tyńdalyp, kókjıekterin keńeıtetin taqyryptar talqylandy. Maqalamnyń sońyn  Ábý Nasyr ál-Farabıdiń: «Elińniń bolashaǵyn bilgiń kelse, maǵan jastaryńdy kórset, sonsoń aıtyp bereıin» degen sózimen aıaqtaǵym kelip otyr. Maǵjan atamyzdyń sengen, el qamyn oılar jastaryn tárbıeleý bizdiń qolymyzda!

Salıhova Mahabbat

---