InfoHub Logo

Memlekettik qyzmetshilerdiń eń basty mindeti ol - halyqqa adal qyzmet etý. Árbir memlekettik qyzmetshi osy qaǵıdany esh ýaqytta umytpaýy tıis. Halyqqa jaqyn bolyp, kez-kelgen jaǵdaıda ádil bolýy tıis. Olar eldiń múddesin birinshi orynǵa qoıatyn, tez ári durys sheshim qabyldaı alýǵa mindetti. Sebebi, áleýmettik-ekonomıkalyq qoǵamdyq-saıası ahýaldyń turaqtylyǵy tikeleı memlekettik qyzmetke baılanysty. Naqty aıta ketsek, ultymyzdyń mártebesin kóteretin, el abyroıyn asqaqtatatyn memlekettik qyzmetshiler ekendigin eskeretin bolsaq, bul turǵyda memlekettik qyzmetshiler basqalarǵa óziniń isimen, bilim-biliktiligimen, tájirıbesimen ǵana emes, ádildigimen, qarapaıymdylyǵymen, sabyrlyǵymen, otan súıgishtigimen, kez kelgen ortalarda úlgi bolýy kerek.

Memlekettik qyzmetshilerdiń jumys barysyndaǵy basty quraly bolyp tabylatyn jańa Ádep jónindegi kodeksi, bul - jaýapkershilik júgin arttyratyn, talaptar aýqymyn belgileıtin mańyzdy qujat. Ol memlekettik qyzmetshilerdiń moraldyq-etıkalyq kelbetin ǵana emes, sondaı-aq olardyń ózin-ózi ustaý máneriniń bazalyq standarttaryn bekitedi. Memlekettik qyzmetshiler ózderiniń kúndelikti jumysynda qarapaıymdylyq, ádiltik, adaldyq, satylmaýshylyq sıaqty prınsıpterdi ustaný kerektigi basty orynda turady.

Memlekettik qyzmetshideldiń ádeptiligi men sybaılas jemqorlyqtyń betin qaıtarýy birin-biri tolyqtyratyn faktor bolyp tabylady. Sondyqtan memlekettik organdardyń osy baǵytta júıeli túrde jumys isteýi búgingi kúnniń talaby bolmaq. Ádep jónindegi keńestiń negizgi mindeti - memlekettik qyzmetshiler halyqtyń senimin aqtap, Otanǵa qyzmet etýi kerek. Sonda ǵana biz damyǵan otyz eldiń qataryna enemiz. Memlekettik qyzmetkerlerimizdiń kóteretin júgi aýyr. Soǵan qaramastan olar kúndiz-túni elge adal qyzmet etip keledi. Memlekettik qyzmetshi bolý zor jaýapkershilikti, abyroıly mindetti júkteıtini syrt kózben adamdarǵa baıqala bermeıtini ras. Ondaı bolý úshin seniń boıyńda kásibı biliktiligińnen bólek adamı qundylyǵyń da joǵary bolýy tıis.

Damý kezeńimizde memlekettik qyzmetti jetildirýge baǵyttalǵan reformalar júrgizilip, ýaqyttyń kóshi jyljyǵan saıyn memlekettik qyzmetshilerge qoıylatyn talaptarda barynsha kúsheıtilip keledi. Nátıjesinde bul memlekettik qyzmettiń sapasynyń artýyna múmkindik beredi. Jalpy memlekettik qyzmet jaýapty mindetter júkteıtin, abyroıly laýazym bolyp tabylady. Búginde árbir arnaıy - orta jáne joǵary bilimi bar jas mamandarǵa memlekettik qyzmetke kelý úshin ońaı jaǵdaı jasalǵan. Bul qyzmet túr úmitkerden nebári jetkilikti bilimdi, quqyqtyq saýattylyqty, ónegeli tártipti, adaldyq pen ar-namys tazalyǵyn talap etedi. Joǵary kásibı memlekettik qyzmetti jáne tıimdi basqarý qurylymyn qurý isinde mindetterdi iske asyrý kóbine memlekettik qyzmetshiniń kásibıligine baılanysty. Sonymen qatar, mártebelik mańyzy bar memlekettik qyzmet ımıjıi halyqtyń memlekettik apparatqa senimi deńgeıiniń kórsetkishi jáne qoǵamnyń basqarý qyzmetiniń tıimdiligin baǵalaý ólshemi bolyp tabylady. Memlekettik qyzmetshi bılik pen óz ókilettikterin qoldana bilýi jáne adal bolýy, ol óz qamy úshin emes, memleket ıgiline jumys isteýi, memleket qarjysyn óz qaltasymen shatastyrmaýy kerek. Zań talaptarymen tolyq sáıkestikte ómir súrip, kez-kelgen orynda, kez-kelgen laýazymda qandaı jaǵdaı bolsa da halyqtyń, óz eli azamattarynyń senimin joǵaltpaı, ádildiktiń, qarapaıymdylyqtyń úlgisi bolyp, adamdar arasynda ózin ustaýǵa tárbıeleý kerek.

Jalǵasova Saıda

---