Serǵazy batyr
Serǵazy batyrdyń qyryq jyldan astam ýaqyt at ústinde júrip, kóbine qalmaq basqynshylarymen jan alysyp, jan berisip shaıqasqan aımaǵy — Úshqońyr, Sýyqtóbe, Qońyrtóbe taýlarynyń tóńiregi.
Bul kisi jekpe-jek óneriniń san túrli aıla-tásilderin at ústinde qas-qaǵym sátten úrdis qımyldardan artyna talaı-talaı ónerler qaldyrǵan. Serǵazy qalmaqtyń nebir batyrlarymen jekpe-jek soǵystardyń nebir adam tańqalarlyq túrlerin kórsetip, sol jóninde ónege tastap ketken. Serǵazy batyr Sýyqtóbeniń kúngeıi qystap, kúzden egin salyp, ómir keshipti. Ol kezde qalmaqtarmen soǵys ár jerde beleń bergen. Sonaý Taraz jaǵyndaǵy Talas boıyndaǵy bir shaıqasta qalmaq qoly jaǵynan bir jas batyr qazaqtardan jekpe-jekke shaqyrady. Serǵazy batyr aıqasqa ózi shyǵypty. Aıqas bastalyp ketedi. Serǵazynyń naızasy qalmaq batyrynyń dýlyǵasyna tıip ketip, dýlyǵasy basynan ushyp ketedi. Ózimen aıqasqan batyr qalmaqtyń qyzy ekenin sonda biledi. Serǵazy shapshań qımyldap, qyzdy at ústinen julyp alyp, óńgerip ala jóneledi. Qyzdy aǵasy Serege ákelip beredi.
Serǵazy batyr jat eldiń basqynshylarymen shaıqasyp júrip, Talas boıynda bul dúnıeden ótipti
You Might Also Like
-
Atadan balaǵa mura bolyp kele jatqan Ótegen batyrdyń — Múıizdi atamyzdyń shubar tegenesi tarıhtyń tylsym túpkirinen kóp syr shertedi. Kezinde uly tulǵa týraly kóp zerttep, kóp derekter qaldyrǵa...
-
Shirkin, ár adam úshin týǵan jer - dúnıe esigin ashyp, ananyń aq sútiniń baldaı dámin sezip, alǵash ret táı-táı qadam basqan, kindik qanyń tamǵan tuǵyrly ólke. Ol jer – seniń altyn uıań, ýaqyty ke...
