InfoHub Logo

(Túsinik retinde)

«Eńbekshi Qazaqtyń» 19-noıabrde shyqqan 457 nomerinde meniń «Sovparttaǵy qaryndasyma (Gúlbaramǵa)» degen óleńim basyldy. Ony oqyǵan jurtqa óleńniń qandaı máńdi ekenin bul arada taǵy da aıtyp ótýdiń qajeti joq.

Óleńniń sońynda basqarma óleńdegi aıtylǵan pikir týraly óz pikirin jazypty.

Meniń oıymsha, basqarma óleńniń ishindegi pikirin, mánin aýa túsingen tárizdi. Qateleý túsingen tárizdi. Basqarma aıtady: «Sákenniń ózgeleri durys, Biraq shashyndy «ne qylsa da» uzyn qyl, úıtpeseń «dinnen» shyǵarsyń». «El úrkedi» degenine qol qoımaımyz. «Shashyndy shubaltyp júrseń ǵana kórkeıesiń degen pikir komýnıser saltynda joq. Bireý uzyn shashty jaratady. Bireý qysqa shashty jaratady. Bul árkimniń óz tileýinshe bolatyn nárse ǵoı. Shash uzyn, ne qysqa bolsyn dep zańdaýǵa bolmaıdy — muny komýnıs aqynymyz da eskerý kerek edi» deıdi. Óleńniń negizgi pikirin basqarma qaterek túsingen tárizdi. Árıne, men «shashyndy qyryqpasań ǵana durys bolǵanyń» degen pikirdi aıtpaımyn. Gáp tek shashta ǵana dep otyrǵanym joq. «Qur syrtyńdy ǵana ózgertip, óner-bilimnen bos qalyp júrme» degen pikirdi aıtam.

Jańarmasyn demeımin
Syrtqy kórnek túrińdi.
Jańart, Biraq birdeı qyl
Syrt pen ishki syryńdy —

degen sóz túsinikti emes pe?

Óleńge oqýshylar qate túsinip júrmesin. «Shashtyń oralyp, ash belge buralyp, toqpaqtaı bolyp túsip jatýy» kórkeıtedi dep kesip-pishý jaramaıdy degemiz!»

1926 jyl

Gazet redaksıasy osyǵan mynadaı eskertý jasapty: «Sákenniń syrtyńdy ózgertip áýrelenbe, óner-bilimnen bos qalma degenine deni durys kisi qarsy bolmas. Munysyna basqarma túgelimen qosylady. Biraq, bizdiń oqýshylarǵa eskertkenimiz Sákenniń:

Qyrǵaýyldy kórkeıtken

Batsaıy jún órnegi.

Kórkeıtpeı me seni de
Jibek shashyń oralǵan,
Túsken asyl toqpaqtaı,
Ash belińnen buralǵan... —

degeni ǵoı!

---