InfoHub Logo

Bir kúni osy Qaraǵandyda turatyn Salqymbaev Husaıyn degen kisiniń úıine ózderiniń elde turatyn Rústembaı balasy Nasharbek degen zamandasy keledi. Ol kisi kázir osy Qaraǵandynyń batys jaǵynda Nura aýdanynda turady. Ol kezde elge radıonyń taralmaǵan kezi. Qaraǵandynyń ózinde jańa ǵana ornatylǵan...

Etti aldaryna jańa ǵana ala bergende, tórde otyrǵan qonaq Nashekeńniń kókjelkesinen radıo saırap qoıa beredi. Artyna jalt qaraıdy, eshkim joq. Tek bir dóńgelek tarelka tur. Sóılep turǵan da sol. Et týraýǵa yńǵaılanyp jazyp alǵan bákisi qolynan túsip ketedi.

Qoryqqanyn sezgen Husekeń:

— Qoryqpańyz, bul — radıo. Muny «radıo» deıdi. Jer-jerden habar alyp turatyn nárse.

— Oı, toba-aı! Qorqyp qalǵanym-she, — dep súısingendikten qolyn keýdesine qýsyrǵan eken.

— Aınalaıyn, ókimet-aı, istemegeniń bolmady-aý! Alysty jaqyn qyldyń. Qarańǵyny jaryq qyldyń. Endi, mine, qara temirdi qaqyldatyp, adamsha sóıletip qoıǵanyń, — degen eken.

Aldyńǵy jyly dám aıdap, sol qart bizdiń úıge bir kele qalǵany bar. Appaq kúmisteı saqal-murty bar, bóken qabaq, alasa boıly, aqsary kisi eken. Radıoqabyldaǵyshpen Indıadan konsert tyńdap otyrǵanda, óziniń áýelde radıo sóılep qoıa bergendegi qoryqqanyn esine alyp:

— Sondaǵy qoryqqanym-aı! — dep ishek-silesi qatqansha kúledi.

---