InfoHub Logo

Syrym bastaǵan bir top attyly adamdar tikeleı shaýyp kelip Nuraly han otyrǵan kıiz úıge kelip, attaryn toqtata salyp, janyndaǵy qylyshyn qynabynan sýyrypty da, ashýly ekpinmen Nuraly jatqan úıge Syrym jetip kelgende, onyń aldynan Nuralynyń kóp qatynynyń biri bolǵan Syrymnyń týǵan qaryndasy Aqlıma shyǵa kelip, aǵasyna mynadaı toqtaý aıtypty:

— Sabyr, sabyr, kókeshim,
Ashýdy aqyl bıleıtin.
Ashýdy aqyl bılese,
Batyr myńdy jeńetin.
Qasterin tikken qalyń jaý
Aqylsyz eken demesin.
Hannyń basyn qaryndasyńa
Saýdaǵa berip ketersiń.
Kóre almaǵan qaı dushpan
Bere almaı ketti demesin.
Bekarystyń balasy —
Qaıratyń muhıt er elsiń.
Degenińe júrmese,
Aıtqanyńa kónbese,
Qolyńa qyzyl tý alyp,
Qol aldyna jelersiń.
Men de Dattan basqa bop,
Týǵan joqpyn desem, ne dersiń?!

Syrym Aqlımanyń sózine toqtap: «Áı, shyraǵym-aı, ıttiń basyn surap ne qylǵanyń?» — depti de, qolyndaǵy qylyshyn qynabyna salyp, atyna minip júrip ketipti desedi.

Oqýǵa keńes beremiz:

Syrym batyrdyń sheshendik sózderi

Syrymǵa anasynyń aıtqany (I nusqa)

Baıbaqty Syrym batyrdyń ákesiniń atyn Dat dep qoıýdyń syry?

---