InfoHub Logo

Kózge kórinbeıtin bakterıalar, mıkroskoptyq azǵalar bizben birge mıllıondaǵan jyl boıy ómir súrip keledi. Jer betinde paıda bolǵan tuńǵysh kúrdeli mıkroaǵza – osylar deıdi ǵalymdar. Jáne osy mıkroaǵzalardyń eń úlken bóligi barynsha adamǵa jaqyn ómir súrýge tyrysady: bizdiń denemiz olarǵa qolaıly orta jasap bere alady. Úıińizde ómir súrýi múmkin bes jaǵymsyz bakterıamen tanys bolyńyz. 

Shań kenesi
Mekendeıtin orny: tósek

Kózge kórinbeıtin, jıirkenishti parazıt sizben irgeles ómir súredi: jastyqtar, kórpeler, matras – statısıka boıynsha ár tósek shań kenesiniń naǵyz ordasy. Munda olar mıllıondap júredi. Ylǵaldylyq pen qapyryq bulardyń kóbeıýine atsalysady. Olardyń aldyn alý úshin úıdi jıi jeldetip, kórpe-jastyqty jıi aýystyryńyz. 

Qara zeń 
Mekendeıtin orny: qabyrǵalar 

Bul jaǵymsyz kórshiniń ǵylymı ataýy — Aspergillus niger, kóbine tóbeniń astynda (potolokta), nemese túsqaǵazdyń (oboı) artynda bolatyn qara zeń. Qara zeń kóptegen alergıalyq reaksıalardy týdyrýy múmkin: eger qys kezinde de alergıaǵa ushyrap júrseńiz – páterińizdi muqıat tekserińiz. Eń durysy qabyrǵany arnaıy antıseptıkalyq tegisteýmen boıaý. 

Zeń (grıbok)
Mekendeıtin orny: úı shárkesi 

Búkilálemdik densaýlyq saqtaý uıymynyń dabyl qaǵyp jatqanyna kóp boldy: statısıkalyq málimetterge súıensek, jer betindegi ár besinshi adam zeń aýrýyna shaldyǵady eken. Negizinde, zeńniń bólshekteri ár úı shárkesinde bar, onymen aýyryp qalmaýǵa tek jaqsy ımýnıtet kedergi bola alady. Aıaq kıimińizdi ár eki aı saıyn aýystyryp otyryńyz nemese jýyńyz – zeń joǵary temperatýradan qorqady. 

İshek taıaqshasy 
Mekendeıtin orny: kilem 

İshek taıaqshasy taǵam ónimderinde ǵana emes, kilemderde de ómir súrýdi jaqsy kóredi eken. Olardan qutylý múmkin emes, odansha eski kilemderden qutylyp otyrǵan jón. Eger kilemsiz ómir súrý múmkin emes bolsa – qysqa túktilerin tańdańyz: olardy antıbakterıaldy sýsabyndarmen jýýǵa bolady.

Bakterıalar otary 
Mekendeıtin orny: tósek-oryn tysy 

Tósek-oryn tysy tez kirleıtinderdiń qatarynan ekenin jaqsy bilesiz. Tósek-oryn tysynda bakterıalar kóbeıýi úshin eki tún jetkilikti. Olar sizdiń deneńizden bólinetin terdi baı qorek orta dep biledi. Tósek-oryn tysyn aptasyna kem degende bir ret aýystyryp otyrý qajet. Ony tósemes buryn útikteý de mıkroaǵzalardy óltirýge múmkindik beredi. 

---