Stýdentter birneshe mamandyqtyń pánderin oqýǵa múmkindik alady
Qazaqstanda joǵary oqý oryndarynyń stýdentteri oqytý baǵdarlamasynyń baǵytyn ózi tańdaýǵa múmkindik alady. Bul týraly búgin Úkimet otyrysynda QR Bilim jáne ǵylym mınıstri Erlan Saǵadıev málim etti.
Mınıstrdiń aıtýynsha, stýdentter óziniń negizgi mamandyǵynan bólek, ózge mamandyqtardyń pánderin de oqý baǵdarlamasyna qosa alady.
«Endi stýdentterge oqytýdyń jeke baǵytyn ózderi qurýǵa quqyq beriledi, ol eki baǵyt boıynsha júredi: pánderdi tereń ıgerý jáne qosymsha ıgerý. Qosymsha ıgerý degen, mysaly, fızık-stýdentter bilimderin zań ǵylymdarymen, ekonomıser - quqyq pen marketıń negizderin de oqı alady», - deıdi E. Saǵadıev.
Osylaısha, bilim berý júıesine pánaralyq oqytý engizilmek. Qazir bul ádis pedagogıkalyq mamandyqtarda jumys istep jatyr. Onda pedagogıkamen qatar, fızıka men matematıkany, fızıka men hımıany oqýǵa bolady.
Memleket tek negizgi bóligin - tereń ıgerýdi qarjylandyratyn bolady.
Eger stýdent 18 kredıt alǵan bolsa, biz sol 18 kredıtti ǵana qarjylandyramyz, al onyń ishinde stýdenttiń tańdaý jasaý quqyǵy bar. Biraq tek tereń ıgerý ǵana qarjylandyrylady», - dep atap ótti mınıstr.
You Might Also Like
-
Talǵar aýdany, Panfılov aýyly №33 orta mekteptiń 11 synyp oqýshysy Jumadilhanqyzy Qymbat
-
Kepler zańdary XX ǵasyrdaǵy ǵylymı oıdyń uly jeńisi — kvanttyq teorıany qalyptastyrýda qyzǵan deneniń sáýle shyǵarýyn eksperımenttik zertteý úlken ról atkardy. Joǵary ...
